影片
更多
2021-07-14
3588 浏览
💝懒懒熊生日㖞，讲咗好耐好想食泰国菜，今日就拣咗海港城呢间《Nara Thai Cuisine》一偿佢嘅生日愿望啦。📌下午3:30嚟到，下午茶时分，唔算太多人，一嚟就有窗口望海景位，📌大路嘅泰国菜，小食、沙律、咖喱、炒饭、炒粉都有，价钱都相当平民，以海港城仲要望海嘅呢个价钱就非常吸引喇！📌一坐低，店员就会送上餐前小食，虾片一兜，重虾味又几脆口，唔似系包装虾片hea你，懒懒熊都急不及待即刻拎黎食。香脆虾饼$58（3件）📌懒懒熊好钟意食虾饼，望到呢款虾饼真系心心眼😍，胀卜卜好大一件。外面嘅炸粉唔厚，入边嘅虾肉都几弹牙，厚厚地一件咬落去啖啖肉，再点埋跟上嘅甜酸汁，好惹味嘅一款小食。黄咖喱软壳蟹$188📌懒懒熊好钟意食蟹，又想试吓咖喱，又好惊要拆蟹肉，黄咖喱软壳蟹就啱哂佢喇。好大一碟，软壳蟹都有五、六旧，浸系一堆黄咖喱当中，炸到松脆嘅软壳蟹，再点一点黄咖喱非常滋味，不过黄咖喱嘅质感就比较特别，感觉上比较固体形状，好似一pat奶油咁，如果稀身啲变成黄咖喱汁会比较好味啲。菠萝肉松海鲜炒饭$118📌就咁食啲小食𩠌菜又点够大食懒懒熊饱㗎？懒懒熊见到呢个菠萝炒饭好似好吸引，所以主食就拣佢。一大个菠萝🍍
💝懒懒熊生日㖞，讲咗好耐好想食泰国菜，今日就拣咗海港城呢间《Nara Thai Cuisine》一偿佢嘅生日愿望啦。
📌下午3:30嚟到，下午茶时分，唔算太多人，一嚟就有窗口望海景位，
📌大路嘅泰国菜，小食、沙律、咖喱、炒饭、炒粉都有，价钱都相当平民，以海港城仲要望海嘅呢个价钱就非常吸引喇！
虾片
55 浏览
0 赞好
0 留言
香脆虾饼
$58
54 浏览
0 赞好
0 留言
📌懒懒熊好钟意食虾饼，望到呢款虾饼真系心心眼😍，胀卜卜好大一件。
外面嘅炸粉唔厚，入边嘅虾肉都几弹牙，厚厚地一件咬落去啖啖肉，再点埋跟上嘅甜酸汁，好惹味嘅一款小食。
黄咖哩软壳蟹
$188
60 浏览
0 赞好
0 留言
📌懒懒熊好钟意食蟹，又想试吓咖喱，又好惊要拆蟹肉，黄咖喱软壳蟹就啱哂佢喇。
好大一碟，软壳蟹都有五、六旧，浸系一堆黄咖喱当中，炸到松脆嘅软壳蟹，再点一点黄咖喱非常滋味，不过黄咖喱嘅质感就比较特别，感觉上比较固体形状，好似一pat奶油咁，如果稀身啲变成黄咖喱汁会比较好味啲。
菠萝肉松海鲜炒饭
$118
37 浏览
0 赞好
0 留言
📌就咁食啲小食𩠌菜又点够大食懒懒熊饱㗎？懒懒熊见到呢个菠萝炒饭好似好吸引，所以主食就拣佢。
一大个菠萝🍍装住炒饭，卖相几唔错。不过呢个炒饭就比较逊色啦。首先，炒饭配料唔系好多，得面头嘅一只霉霉地的虾同侧边一啲肉松同几粒腰果，好辛苦先揾到一两粒虾肉仔🦐，另外炒饭炒得唔香又好松散，无乜味，饭桶懒懒熊食咗一半都食唔落，最后要靠虾饼啲甜酸汁先可以食到几啖，熊妹就刮左侧边啲菠萝肉食。
泰式奶茶，鲜芒果沙冰
15 浏览
0 赞好
0 留言
📌嗱！懒懒熊想试吓芒果沙冰好耐，钟意芒果嘅酸甜，又钟意沙冰嘅冻冻。
沙冰味道就正常，都预咗系有啲芒果🥭嘅假甜，冰凉嘅感觉啱晒懒懒熊。
泰式奶茶$38
📌熊妹就钟情奶茶，当然就要试吓泰式风味嘅奶茶啦。
因为用上炼奶🍼冲起，味道比较偏甜，奶味茶味唔系好重，呢个就系泰式奶茶嘅特色。
📌望住海景悠闲地渡过左一个生日下午，食景就无敌，食物就争啲，希望懒懒熊收货啦。
📌生日快乐！🎁
张贴
