影片
更多
2011-08-22
109 浏览
5月8日, 母亲节夜, 妈妈喜欢食泰国菜, 一行七人来到金百利的泰式食吃晚饭~ 一入门口就见到架泰国笃笃, 周围环境暗暗地, 又有d霓虹灯咁嘅装饰, 充满泰国街头气氛!::: 驰名冬荫功汤 ::: $58叫咗个细嘅冬荫功试下, 份量大概够两至三人食~ 味道酸香带微辣, 有少少杂菌同两三只虾, 料唔算话足, 但风味搭够啦! 只系细兜咗少少…::: 招牌清炒杂菜 ::: $54呢个杂菜$54就真系好唔抵! 种类系多~ 有芥兰、西兰花、椰菜花、红萝卜、莲藕、云耳、 荷兰豆、粟米仔、杂菇、番茄仔咁, 真系乜都有! 可惜份量超细碟, 样样都得一、两旧… 感觉好似将d剩菜炒埋一碟咁. 味道亦只如一碟普通炒杂蔬, 毫无泰式风味!::: 泰式青咖哩牛 ::: $68呢个青咖哩竟然唔系辣野! 睇颜色都feel到佢个椰奶味有几浓重, 而且真系唔辣, 只有少少咖哩香. 质地少少杰身~ 点薄饼同饭都易捞! 牛肉份量一般, 唔算韧, 但鲜味欠奉. 反而欣赏佢d配菜如茄子同番茄仔, 唔会煮得过淋, 索埋d咖哩汁食够惹味~::: 泰式香酥饼 ::: $20叫得做香酥饼仲以为系油松饼… 点知原来系扁鞑鞑嘅薄饼… 讲真
::: 驰名冬荫功汤 ::: $58
叫咗个细嘅冬荫功试下, 份量大概够两至三人食~ 味道酸香带微辣, 有少少杂菌同两三只虾, 料唔算话足, 但风味搭够啦! 只系细兜咗少少…
::: 招牌清炒杂菜 ::: $54呢个杂菜$54就真系好唔抵! 种类系多~ 有芥兰、西兰花、椰菜花、红萝卜、莲藕、云耳、 荷兰豆、粟米仔、杂菇、番茄仔咁, 真系乜都有! 可惜份量超细碟, 样样都得一、两旧… 感觉好似将d剩菜炒埋一碟咁. 味道亦只如一碟普通炒杂蔬, 毫无泰式风味!
::: 泰式青咖哩牛 ::: $68呢个青咖哩竟然唔系辣野! 睇颜色都feel到佢个椰奶味有几浓重, 而且真系唔辣, 只有少少咖哩香. 质地少少杰身~ 点薄饼同饭都易捞! 牛肉份量一般, 唔算韧, 但鲜味欠奉. 反而欣赏佢d配菜如茄子同番茄仔, 唔会煮得过淋, 索埋d咖哩汁食够惹味~
::: 泰式香酥饼 ::: $20叫得做香酥饼仲以为系油松饼… 点知原来系扁鞑鞑嘅薄饼… 讲真真系毫无香酥可言! 因为太扁, 中间位置口感太实, 又唔太食得到面粉香… 又唔太索到咖哩, 麻麻地…
::: 菠萝炒饭 ::: $80菠萝炒饭不嬲都系装假狗架喇! 一大个菠萝壳其实只滑空咗一半多少少, 饭量绝对唔多~ 不过贪佢难食极都有个谱~ 撇除份量, 炒饭都算做得对办! 饭粒鲜明干爽, 料亦兜得均匀. 只系d菠萝同虾碌切得略为大粒, 有d难入口.
::: 皇宫大虾蛋网炒贵刁 ::: $90几乎食亲泰国野都要叫pad thai! 呢度嘅pad thai就摆明sell靓样~ 蛋网做得好好! 又薄又脆又靓仔!! 面头只大虾都相当大~ 肉质弹牙有鲜味~ 收货啦! 主角贵刁亦够镬气~ 鲜橙颜色令人开胃, 味道亦佳! 而且唔会炒得太油腻~ good!
::: 椒盐软壳蟹 ::: $98O wor! 估唔到呢个唔算泰国菜嘅椒盐软壳蟹可以整得咁好食! 一来d蟹新鲜, 又好肉地~ 炸得外脆内嫩之余, 部份咬下更流出少量蟹膏! 加埋面头嘅大量炸蒜, 呢d惹味香口野真系令人食不停口~ 送酒应该一流!
::: 白饭 ::: $10@ x3算系呢度比较抵食架喇! 大大碗咁啰~
是夜母亲节都唔系好多人, 相信食物质素系主要原因之一~ 但论环境气氛呢度绝对有好高分! 充满泰味嘅布置、私隐度高嘅舒适厢坐、泰国电视节目… 仲有队live band现场演唱~ 对于讲究环境多于食物味道嘅人嚟讲呢度都系个唔错嘅选择.张贴
