摩登堂 (荃灣廣場) (已結業)

虹吸式咖啡有饮过，虹吸式冬阴功真系第一次饮。冬阴功汤经过虹吸壶，到上面啲香叶、辣椒，再回流入壶，加入大汤碗入面，下面又有火滚住、香味、辣味进一步增加另外叫咗半只去骨海南鸡同埋一碟曼谷醉猫炒金边粉，去骨海南鸡都配搭三款酱：甜豉油、姜蓉、香葱蓉，三者混合再点就特别惹味。醉猫炒金边粉最特别系配咗个酸辣酱一齐食，比起普通Phad Thai湿润。仲有就系佢哋嘅泰式奶茶，茶味特别浓。原来系同泰国茶饮店ZERO Degree合作，饮品特别出色。其实佢哋仲有甜品，例如刨冰、吐司等。成间餐厅都系cafe嘅装修风格，无论食饭或者食甜品都可以嚟试吓。