CJ Cafe (已結業)

原来马鞍山泳池侧边有间好好味的餐厅。今日同兵仔出街先知咁好味。肉眼扒个口感好弹牙。份量多，猫猫食左一啖，食到个牛肉既甜味，因为猫猫钟意七成熟，order左七成，真系整得好靓，真系七成。肉质中间少红色，食落真鲜甜味好正，猫猫食到湿左个嘴。黑椒汁配牛扒，猫猫最爱，超级好味。薯条炸得够脆，通常厚切薯条要炸得脆要一定功夫，薯条真系整得出边香脆入边松软。餐汤都落足重料，一捞见到好多岘肉，重要系大大个既岘肉，岘肉整得好弹牙，唔会太老，好好味既汤！牛角包出黎都仲系好热，好松软，牛油香味浓，超级好食，猫猫好少对间餐厅赞不绝口，因为真系太好食。原来泳池侧边有间高质素既西餐厅，真系无黎错。