影片
更多
2019-05-18
1821 浏览
因为关注咗beyond日记主角嘅关系，知道寻日系beyond之夜，第一次嚟到呢间餐厅。据知呢间餐厅每一个五/六/日都会有一场嘅live show，寻日系音乐剧beyond日记两位男主角Bosco 同Oscar 嘅演唱。今次嘅入场费320蚊，包咗六个𩠌同两杯drinks，每次嘅package都唔同。按正常二人分量嚟讲佢系偏多嘅，又有好嘢食，又有好歌听，weekend消闲系一个唔错嘅选择，亦为本土未为人所熟悉嘅音乐人提供咗一个可以近距离接触群众同有即时互动嘅演出平台。餐厅嘅环境就系一般嘅茶餐厅， 两边有几组四座嘅卡位，中间有可移动嘅二人枱组合，场中有一幅巨型嘅油画，画咗几十年前餐厅所在嘅街道， 我谂应该系1989年佢开业𠮶阵时嘅街景嚟嘅，做表演场地嘅背景，整体感觉都好和谐，好有复古嘅味道，衬托live band 刚刚好。食物方面，整体嚟讲嘅味道唔错，分量亦都好足够。红酒烩牛尾， texture 刚刚好，唔韧亦都唔会太淋，但就略嫌甜咗少少，坐我隔离𠮶位阿太都系咁讲，牛尾嘅二人份量系ok嘅。胡椒猪肚鸡， 呢个就略嫌胡椒味唔够，一般饮呢个汤都会prefer个胡椒同咸菜味重啲，同埋个人钟意胡椒碎同
今次嘅入场费320蚊，包咗六个𩠌同两杯drinks，每次嘅package都唔同。按正常二人分量嚟讲佢系偏多嘅，又有好嘢食，又有好歌听，weekend消闲系一个唔错嘅选择，亦为本土未为人所熟悉嘅音乐人提供咗一个可以近距离接触群众同有即时互动嘅演出平台。
餐厅嘅环境就系一般嘅茶餐厅， 两边有几组四座嘅卡位，中间有可移动嘅二人枱组合，场中有一幅巨型嘅油画，画咗几十年前餐厅所在嘅街道， 我谂应该系1989年佢开业𠮶阵时嘅街景嚟嘅，做表演场地嘅背景，整体感觉都好和谐，好有复古嘅味道，衬托live band 刚刚好。
食物方面，整体嚟讲嘅味道唔错，分量亦都好足够。
红酒烩牛尾， texture 刚刚好，唔韧亦都唔会太淋，但就略嫌甜咗少少，坐我隔离𠮶位阿太都系咁讲，牛尾嘅二人份量系ok嘅。
红酒烩牛尾
49 浏览
0 赞好
0 留言
胡椒猪肚鸡， 呢个就略嫌胡椒味唔够，一般饮呢个汤都会prefer个胡椒同咸菜味重啲，同埋个人钟意胡椒碎同胡椒原粒并用， 层次会复杂啲。呢味𩠌唔适合用碟嚟上， 啲汤冻晒根本就唔会饮，我prefer佢当系汤品，好似后来我哋request加汤，一人一碗嘅份量比例就啱啱好喇，因为基本上精华系落系啲汤度，呢个菜式嘅主角唔应该放系鸡度，鸡嘅话未必会食。如果客人一入到舖头第一道菜就系个汤品，整件事个舖排就会有规划一啲。
胡椒猪肚鸡
36 浏览
0 赞好
0 留言
胡椒猪肚鸡
90 浏览
1 赞好
0 留言
蜜桃咕噜肉， 蜜桃好甜，咕噜肉嘅质感同味道亦都好好， 酱汁嘅texture同味道都恰到好处。
蜜桃咕噜肉
37 浏览
1 赞好
0 留言
酥炸生蚝个口咁好ok，但系个味道就靠晒个酱，个酱又唔系特别配，我会expect𠮶个炸浆再多一啲咸味，带番多少惹味，再点𠮶个sauce就应该会好味啲同充实啲。
酥炸生蚝
125 浏览
1 赞好
0 留言
咖哩海鲜配蒜蓉包，老实讲食到呢一味𩠌嘅时候，我同我朋友已经饱喇，所以直接打包。我就用咗少少嘅咖哩汁点咗件蒜蓉包食， 点都要亲新鲜试下味嘅。食咖哩嘅𩠌菜最紧要梗系个咖哩汁啦，呢款咖哩汁唔够香，辣度系可以嘅。蒜蓉包就麻麻地喇，包嘅软硬度系适中嘅，但系因为佢唔够热，蒜蓉唔多蓉，唔够蒜亦唔够香。
咖哩海鲜
57 浏览
0 赞好
0 留言
蒜蓉包
57 浏览
0 赞好
0 留言
西兰花炒鲜鱿，呢味𩠌唔错。佢嘅份量亦都好合适，西兰花嘅口感好好，个汁嘅味道配鲜鱿或西兰花都好夹，个汁非常好食，汁嘅比例亦恰到好处。
西兰花炒鲜鱿
82 浏览
0 赞好
0 留言
大致上餐厅分咗三轮出菜（3-1-2），一开始坐低出头3个𩠌，中途出炸蚝，最后再出最尾两个𩠌，个flow系ok嘅，但系可能佢一开始牛尾会有啲腻，已经有裹腹感，接住落嚟嘅𩠌菜亦都食唔得多喇，出第四道菜已经full晒要打包。建议可以换下出菜顺序，甚至系少个肉，加个流质口感嘅dessert，如 jelly/西米/芋丸/凉粉之类，咁个set就完满啲喇！
呢间茶餐厅平时同一般茶餐厅一样，唯一特别嘅系 每星期都会有一场live show， 茶餐厅入面大约可以容纳36位观众，都有啲迫，啲伙计出菜成日撞到我张櫈，哈哈！但我谂都要视乎live band嘅规模， 如果对band嘅乐器/成员系多嘅话，或者能够容纳嘅观众数就会再少啲，想去听live嘅就要留意， 一啲热门嘅音乐人或者演唱者可能会好快爆场，好似今次咁就爆咗场，要下月再加场喇！
茶记配live show确实系唔错，遇到有兴趣嘅表演者，我相信我再去帮衬嘅可能性都几高。
张贴
