ADO洋食屋 (已結業)

捐窿捐罅揾食，难唔到我哋嘅！今日嚟到大围上径口村，发掘超隐世洋食屋。估唔到小小嘅窄巷都会揾到咁好食嘅日式小店，超好彩喺截龙时间之前，最后一枱入到间餐厅！😻「明太子奶酱蛋包饭」$98👉🏻慢慢咁切开，啲半熟嘅蛋浆慢慢咁流出来⋯睇吓都有治愈嘅感觉😌个蛋炒得好嫩滑，而表面嘅奶酱，忌廉味都好香浓。入面嘅饭就似平时食开嘅西炒饭，好食！😋😻「ADO’s 自家手打日式汉堡扒」 $88👉🏻除左蛋包饭，呢个日式汉堡扒都系佢哋既主打菜式。香港比较少餐厅有自家汉堡扒，食落有牛肉味，口感唔错，好Juicy，除左侧边既椰菜，仲配左一配白饭，够晒饱肚。餐厅属复古风，店员好有礼貌，店面都好有日本小店嘅feel，好温馨！