津津食家

营业中

休息中

大排档系香港人嘅集体回忆之一，而且细细个成日都话入沙田食鸡粥，已经成为香港人嘅口头禅！今次一大班人约咗去呢间大排档聚会，当然第一件事系叫呢度嘅驰名鸡🐔粥，入口有米香又软绵绵，而且用新鲜鸡，好快成窝已经清左！第二样叫嘅就系炸乳鸽，乳鸽皮脆鲜嫩，一人一只都唔嫌多，虽然我唔识食乳鸽头，但系我朋友话啲乳鸽头整得好香脆又有咸香！之后我哋叫咗一啲镬气嘅食物，辣汁炒蚬和咕噜肉系我嘅至爱，蚬肉肥，没有沙，唔系好辣但系好野未，咕噜肉炸得好香脆，肉质嫩，但系如果用新鲜菠萝就更加好啦！鸡蛋焗鱼肠是另一个怀旧𩠌菜，不过我就唔系好识欣赏啦，因为我成日都觉得啲鱼肠好污糟，不过我啲朋友话呢个𩠌焗到好香，而且又冇腥味，鱼肠洗得好干净！另外腐乳炒通菜啲炒工炒得唔错，啲菜都好嫩口，好香腐乳味，总括嚟讲呢间大排档整嘅食物都好有镬气，虽然现场环境就唔系太卫生，不过始终系大排档一定系咁㗎啦，间中做下麻甩佬都唔错啊！一面队啤酒豪气下！