津津好好味

营业中

休息中

最近越来越钟意食辣，今日lunch就行远少少，沿着长沙湾道一直向太子方向行，就嚟到呢一间津津好好味。好简单嘅一间四川风味面店，选择不太多，因为都系用心做最招牌拿手的几款食品。阿姐级店员用佢一双摩打手不断喺度包云吞，所以货源源源不绝。拣咗两款招牌菜试吓，其中一个系凉面。所谓凉面，其实就系拉面冻食，洒上辣油、花生碎、芝麻、芫荽等，然后就捞匀食。云吞细细只，大碗$32有20只云吞，同样地云吞汤底都会加入辣油、芝麻同芫荽，呢个云吞我就觉得好正，其实我有信心自己可以一口气食晒20只云吞，哈哈！为咗解辣，所以叫咗冻豆浆，一黑一白，各有风味。