Asobu Bistro (已結業)

朋友介绍话呢度食既奄烈唔错，我抱住半信半疑心态黎试，始终认为奄烈可以好食得去边。前菜系沙律，配蟹子，蕃茄同三文鱼饼干。沙律就普通，几样配料配饼干都衬味，而三文鱼系烟分过，食左前菜系几开胃。我最期待既奄烈黎啦，餐厅叫佢做熔岩蛋，原来有原因既，轻轻将奄烈外皮一界，里面既蛋就好似熔岩咁洪荒之力地泻出黎，用洪荒之力无夸张到，因为外皮好够薄，而奄烈馅系超多既蛋。味道系好充足既蛋味，加上少许牛奶味，令蛋中蛋系好滑溜，钟意食奄烈或炒蛋既系岩晒口味。而吉烈猪扒就炸得好干身，炸皮唔厚，肉够嫩，配日式咖哩汁又可以有另一番味道。