洪記粥品 (淘大商場1期)

营业中

休息中

想清肠胃，今晚去左洪记粥品食粥 黄沙猪膶粥猪膶真系处理得啱啱好，唔会过火，仲保持住嫩滑嘅口感，完全冇半点腥味。粥底煲得超级绵滑，米香浓郁，猪膶嘅鲜甜味同粥底嘅清香好夹，每一啖都令人回味。 咸肉糭，咸香味，糯米软糯又唔会过黏，咸肉嘅味道渗入每一粒米，食落去好满足。炒面炒得干爽，配埋啲豆芽同葱，调味刚好，食落去好满足。状元及第粥内里有肉丸、猪肝、猪心同猪肠，肉丸煮得好弹牙，充满肉汁，猪肝同猪心仲保持住嫩滑嘅质感，每一样内脏都煮到啱啱好，完全唔会过熟。食落去每一啖都有唔同嘅口感同味道。 食粥点少得配油条。我哋叫咗一条，炸得香脆但唔会太油，蘸住粥嚟食，真系一绝。豆浆豆味浓郁，唔会太甜，饮落去好顺口，正好清一清口腔。