影片
更多
2021-11-27
4482 浏览
10月初去咗一转东涌Staycation，当时老友送赠咗两套「昂平360」嘅缆车飞，仲要喺水晶车添，当然，要答谢吓佢啦。所以，今晚专登约佢食番餐饭，选址中间位嘅「朗豪坊」，大家都方便走，而餐厅就翻兜「天吉屋 」，因为两年多前食过，有保证，餐牌面更印住连续7年荣获日本天丼金赏奖，实力自然秤高一线。咪睇佢个铺面细细，里面可谓别有洞天，地方唔细，一室木系，配以和风装潢，雅致而有份暖和感。占大部喺卡位形式，块间板特别高，我就颇钟意咁嘅设计，因为私隐度相对多啲、防疫效果又好啲。翻一翻餐牌，卖嘅嘢唔多，但就够专。菜品只有5款，但每款嘅天妇罗都有唔同配搭，定价$118-$178，而贯彻日本人做菜嘅认真，用上秘制天妇罗粉、秘制天丼酱汁、北海道七星米、自家调制柚子胡椒沙律汁。饮品方面，选择唔多，只有几款罐装饮品，数款日本酒品。不过，唔多选择都无问题，因为有牛蒡茶供应。牛蒡茶一坐低，店员就奉上一大壶自家冲制嘅牛蒡茶，近年都有唔少人兴食牛蒡，据网上资料，牛蒡茶有去油腻降血脂嘅效用，够养生，配天妇罗就啱晒啦。饮落有种独特嘅香气，味道回甘顺喉，感觉几舒服。椰菜沙律所有菜品都会包埋牛蒡渍、萝卜渍、椰菜沙律及面豉汤
咪睇佢个铺面细细，里面可谓别有洞天，地方唔细，一室木系，配以和风装潢，雅致而有份暖和感。占大部喺卡位形式，块间板特别高，我就颇钟意咁嘅设计，因为私隐度相对多啲、防疫效果又好啲。
翻一翻餐牌，卖嘅嘢唔多，但就够专。菜品只有5款，但每款嘅天妇罗都有唔同配搭，定价$118-$178，而贯彻日本人做菜嘅认真，用上秘制天妇罗粉、秘制天丼酱汁、北海道七星米、自家调制柚子胡椒沙律汁。
饮品方面，选择唔多，只有几款罐装饮品，数款日本酒品。不过，唔多选择都无问题，因为有牛蒡茶供应。
牛蒡茶一坐低，店员就奉上一大壶自家冲制嘅牛蒡茶，近年都有唔少人兴食牛蒡，据网上资料，牛蒡茶有去油腻降血脂嘅效用，够养生，配天妇罗就啱晒啦。饮落有种独特嘅香气，味道回甘顺喉，感觉几舒服。
椰菜沙律所有菜品都会包埋牛蒡渍、萝卜渍、椰菜沙律及面豉汤。先上咗个沙律，椰菜切得幼细、粗幼一致，淋上自家调制嘅柚子胡椒沙律汁，柚子味极之突出，微微酸，椰菜丝食落又冰凉爽口而多汁，更可晌中途食天绵妇罗时，又食啲椰菜丝，中和一吓啲油腻感。
牛蒡渍、萝卜渍两种渍物就放晌枱上嘅小瓦樽，自由取用，晌等候天丼期间又食啲，食紧天丼时又再食啲。牛蒡渍口感软软哋，又爽爽哋，食落仲有种参味；萝卜渍就酸香脆爽，作为食天妇罗嘅间场清一清味蕾就最好不过。
面豉汤家家所做嘅味噌汁都有所分别，「天吉屋」嘅绝对喺料多，虽然影相唔觉，但其实汤中有好多清甜嘅萝卜、嫩滑嘅豆腐，而汤嘅本身，面豉味甚浓香，饮得出用料不赖。
顺带一提，各类天丼所包嘅海红鲷，都已经无料升级为石斑鱼，真喺诚意十足。
天吉丼 $128老友就无拣个最贵嘅天丼，都只喺拣咗「天吉丼」，佢话已经好足够。的确，捧到嚟真喺堆满一碗都喺天妇罗，非常丰富，包括黑虎虾、鱿鱼、石斑鱼、茄子、南瓜、四季豆、炸紫菜同温泉蛋。老友笑住讲啲𩠌多过饭，而且，佢仲话啲天妇罗真喺好正，香脆不腻，样样都好好食。
All Star丼 $128小弟细阅5款菜品，觉得呢一款包嘅嘢最多，有黑虎虾、石斑鱼配紫苏叶、软壳蟹、鱿鱼，什锦炸物（洋葱夹樱花虾）、鸡肉、茄子、南瓜、四季豆同温泉蛋，但定价又唔贵，性价比高。今次就唔逐样写，但黑虎虾喺孖条「双虾」炸法，一口过咬两件虾，自不然有份双倍满足感；石斑鱼配紫苏叶嘅组合，意外咁好食；而温泉蛋外层脆口，里面就流晒心。当然，用上北海道七星米，有米香，又黏糯，就算只喺酱油捞饭都正啲啦！
时隔两年多再嚟，都无失望，用料、制作都保持水准，啲店员招呼又好、又有礼貌，真喺连续获奖都唔喺靠讲运。不过，最紧要喺老友食得赞赏有嘉、称心满足。依位老友亦喺我哋班「死佬」之一，呢几年我哋之间因钱银问题经历咗好多变化，有啲死佬仲保持到联系，实在喺一份情谊，要好好珍惜，活在当下！
张贴
