活在茶下

营业中

休息中

喺尖沙咀食泰国菜，要限时交枱，想order埋甜品🍧都不够时间，要截单走人。为当晚画上完美嘅句号， 唯有另觅地方食甜品。 上网搜寻见到海运大厦有间叫「活在茶下」嘅雪糕鸡蛋仔店舖，就喺泰国菜馆附近， 所以，我哋扑锤决定去试一试。店内采用简约嘅装潢， 空间不大， 座位不多。不过，门外亦摆放一 张长长嘅木凳和圆形小枱，好让顾客坐下打卡和品尝食品。 原来「活在茶下」的经验丰富茶🍵 师团队研发出AI人工智能泡茶器， 更用六大种类嘅茶泡出特调嘅茶饮和以一系列嘅茶入馔小食，希望为顾客带来全新茗茶嘅体验。我哋叫咗清香铁观音脏脏雪糕和清香铁观音脏脏雪糕配原味鸡蛋仔。 雪糕质感稠浓且幼滑， 甜度适中，铁观音和牛奶味巧妙地互相平衡配搭，雪糕一啖入口🍧， 浓浓嘅牛奶味首先充斥味蕾， 而淡淡嘅铁观音味亦慢慢渗透出。好正👍。铁观音粉洒上雪糕，令雪糕嘅更丰富美味😌。 另一杯配上原味鸡蛋仔， 口感更上一层楼， 热辣辣嘅鸡蛋仔，外脆内软， 加上 冰冻嘅雪糕一齐食，冷热交融， 味蕾十分满足，好过瘾🙌总括来说，今次嘅体验给人留下唔错嘅印象，可以 一试。