諾亞半熟蛋糕專門店 (已結業)

今日同男朋友系西九龙行街，因为屋企人听日生日^^所以顺路睇下有咩蛋糕好食，之后行行下行左去诺亚半熟蛋糕店，俾佢出面摆的蛋糕吸引住，就望多两眼，店入面的职员就出黎同我地介绍下d蛋糕。有芝士蛋糕，半熟蛋糕同提拉米苏等等。 而且价格都好抵，几十蚊，最贵都系$200到，最后经过一大轮的介绍之后，就简左福冈甜王草莓半熟芝士蛋糕，之后个店员又介绍加$8有电灯特饮，咁就简左蜂蜜藘薏米水。 简完蛋糕，店员问我几耐返到屋企，本身我都唔知佢做咩问我呢个问题，之后返到屋企先知原来佢地装左干冰落去，以免蛋糕溶左><真系好贴心，细心！ 之后我屋企人生日个日，我地出街食完晚餐后，就返屋企食蛋糕^_^，打开个蛋糕盒，个蛋糕系用蛋糕纸包住，跟住我将蛋糕反转，就见到有胶刀，叉同碟，店员仲同我地讲，因为个蛋糕系流心，所以要将个蛋糕放置15分钟，15分钟后，我地就同屋企人庆生🎉 切开蛋糕，真系有流心❤，蛋糕上面有好多士多啤梨啊！试下粒士多啤梨，好甜好大粒，完全不孤寒^^中间系有士多啤梨味的芝士味，两沟，好香好浓郁的流心芝士，屋企人都话好食，仲食多两件，话个味道好特别，有少少似食啫喱