諾亞半熟蛋糕專門店 (已結業)

本身小食甜品既我，同女朋友系西九龙中心行街，行完街佢想买甜野食，就陪佢买甜品食啦。睇睇水牌，见到呢间半熟蛋糕，咁我对流心既甜品情有独钟，咁就行去睇睇啦。呢只蛋糕既外形几特别，可能因为入面系半熟？！所以唔会有好胀卜卜既感觉。我就拣左个比利士朱古力，试一试。 买走既时候店员仲好细心问我，拎到番屋企要几耐，帮我加冰保存好。仲买左个特饮，凤梨香橙特饮，仲有果肉同埋果皮系入面，好清新好健康，大热天时，未番到去，已经差唔多饮晒。面头既朱古力味好突出，浓浓既朱古力香味，配埋入面既半熟芝士蛋糕简直系绝配。而且芝士味恰到好处，唔浓唔淡，一流。系盒入面已经有齐所有工具，好方便。呢到仲可以订做3D蛋糕，下次女朋友生日都要订一个比佢。