影片
更多
2018-08-09
2437 浏览
上星期同个好耐冇见既朋友聚会，大家各有各忙，要见一次面都可能要隔几个月。难得约左出黎见到面，我地想去间舒适高质既餐厅小聚，食下晚餐倾下计🤗因为我地都身处港岛区，所以就趁呢个咁好既机会，一齐去金钟试下呢间叫 Brick Lane 既餐厅。餐厅既设计风格充满西方气息，装潢简洁时尚。我地六点半就去到，当时餐厅仲未人头涌涌，但到左七点几呢啲黄金时段，餐厅就变得热闹。餐牌色彩缤纷，十分精美，总共有四、五款不同既主题～ 食物方面有头盘、小食、汤品、主菜、意粉等等，每一道菜式都非常吸引。至于饮品方面，佢地有果汁、汽水、酒精饮品等等，应有尽有😍事不宜迟，我地立即开始点餐 😝蟹肉番茄青菜沙律 🥗 $158沙律选料好丰富，有沙律菜、番茄🍅、冰菜、蟹肉、青瓜等等，配埋香浓酱料，唔单止口感好爽脆，味道都好有层次感，咸咸地 甜甜地，十分开胃👍🏼要俾好多个like! 佢系我暂时食过最有特式最难忘既沙律之一~ 唔好睇佢既卖相同平时食开既沙律差唔多样，其实佢既味道好正好特别，啲蟹肉好足料，啖啖肉啖啖鲜味 😋Italian Eggs Benedict 🍳🥓 $108我地点左 Egg Benedict with Pa
因为我地都身处港岛区，所以就趁呢个咁好既机会，一齐去金钟试下呢间叫 Brick Lane 既餐厅。餐厅既设计风格充满西方气息，装潢简洁时尚。
我地六点半就去到，当时餐厅仲未人头涌涌，但到左七点几呢啲黄金时段，餐厅就变得热闹。
餐牌色彩缤纷，十分精美，总共有四、五款不同既主题～ 食物方面有头盘、小食、汤品、主菜、意粉等等，每一道菜式都非常吸引。至于饮品方面，佢地有果汁、汽水、酒精饮品等等，应有尽有😍事不宜迟，我地立即开始点餐 😝
蟹肉番茄青菜沙律 🥗 $158
沙律选料好丰富，有沙律菜、番茄🍅、冰菜、蟹肉、青瓜等等，配埋香浓酱料，唔单止口感好爽脆，味道都好有层次感，咸咸地 甜甜地，十分开胃👍🏼
要俾好多个like! 佢系我暂时食过最有特式最难忘既沙律之一~ 唔好睇佢既卖相同平时食开既沙律差唔多样，其实佢既味道好正好特别，啲蟹肉好足料，啖啖肉啖啖鲜味 😋
Italian Eggs Benedict 🍳🥓 $108
我地点左 Egg Benedict with Pama ham!! 卖相十分之吸引！班尼迪即系一块放系底下既面包，上面放左菠菜、巴马火腿同半熟鸡蛋组成既西班牙菜。鸡蛋既烹调方法好特别，要好好控制温度令蛋黄处于半熟状态，咁样食落口感就会变得细滑。
我地特登影相记录低切开个一刻，因为鲜黄色既蛋浆会好疯狂咁涌现，睇见都令人垂涎三尺🤤
蛋黄酱汁十分刺激味蕾，旁边既田园沙律都好好食，放左好惹味既沙律酱汁，我将所有沙律菜一扫而空😁✌🏻
烤西班牙黑毛猪排 🥩 $288
主菜方面，我点左厚切猪排~ 呢块源自西班牙既猪排好正， 冇谂过系咁香咁好味。一切开啲肉汁慢慢留出，再加上烤到劲香，配埋香甜既apple sauce🍎，完全系味觉既享受😋
成块猪排都冇乜肥膏，所以罪恶感冇咁大，连朋友试过都觉得几唔错☺ 睇下隔离既配菜同装饰，就可以知道大厨喺炮制呢道菜既时候，应该都花左唔少心思 😍
整体食物水准好高，而且食材选料新鲜，烹调手法亦能够将食物既精髓呈现俾食客～ 服务员都好亲切，主动问我地要唔要追加野饮😁 下次聚旧要再黎Brick Lane ☺️
张贴
