饗 車仔麵 (已結業)

一向好少食车仔面，对评论车仔面亦冇咩心得，不过尽管如此，试过深水埗嘅飨之后，我会话呢间嘅水准系好高嘅。呢度嘅车仔面选择较为简单，分两𩠌，三𩠌同四𩠌，后加每𩠌九蚊，所有𩠌划一价钱，最啱我呢啲有选择困难症嘅人。拣咗陈皮鱼蛋，柱侯牛腩同醉飨蛋，当中最好食嘅系只蛋，流心之余，仲有阵阵酒香，超正👍；柱侯牛腩炆得既腍且入味，份量亦算多；鱼蛋细细粒，陈皮味超浓，不过较为实心，并非我喜爱嘅口感。三𩠌加埋油面同生菜，大大碗，好抵食，配搭腩汁，更增鲜味。