影片
更多
2016-05-18
4005 浏览
今日嚟到D2Place鮨芸馆见识一下流水面，传闻可以令小朋友食得又多又快！上到L3行到最入，喺Food Garden对面就系，我Booked咗7:15，其实嚟到嘅时侯都唔多人呢度周围环境都由好多折纸做成，就喺门口已经见到有块版钉住好多客人画嘅图画原来每位入场客人，特别系小朋友，都会派一块好似杯垫嘅咭俾佢哋，喺上面可以自创图画被店长拣中的话就可以贴堂，就算冇贴堂都好，佢都会花心思将佢哋贴在店内的位置店内环境好舒服好简洁！就连灯罩都系用折纸造型店内有3个榻榻咪位，我哋一场嚟到就算坐得唔舒服都想试吓佢但系坐咗落去之后又比想像中冇咁辛苦，但系如果要我餐餐坐都真系几攞命，尤其是我呢D肥大叔一坐低佢哋急不及待就拎起枱上面嘅木颜色，要开始喺张咭上面画画D咭本身都已经有图案喺度！当然你都可以自创想画咩都得然后侍应好细心咁拓住几只小杯子，问我哋想要边只颜色嘅杯！虽然用咩杯饮个啖茶对我嚟讲真系冇分别，但系佢呢个咁细心嘅举动正好让客人有一种被尊重嘅感受喺未叫Order之前已经令你对店产生好感，等你一阵叫嘢食𠮶阵都阔绰D餐牌都系靓靓的，见到都开胃！不过里面全部系日文字，唔知系佢俾错咗本日文版我定系只有呢一款餐
今日嚟到D2Place鮨芸馆见识一下流水面，传闻可以令小朋友食得又多又快！
上到L3行到最入，喺Food Garden对面就系，我Booked咗7:15，其实嚟到嘅时侯都唔多人
呢度周围环境都由好多折纸做成，就喺门口已经见到有块版钉住好多客人画嘅图画原来每位入场客人，特别系小朋友，都会派一块好似杯垫嘅咭俾佢哋，喺上面可以自创图画
被店长拣中的话就可以贴堂，就算冇贴堂都好，佢都会花心思将佢哋贴在店内的位置
店内环境好舒服好简洁！就连灯罩都系用折纸造型
店内有3个榻榻咪位，我哋一场嚟到就算坐得唔舒服都想试吓佢但系坐咗落去之后又比想像中冇咁辛苦，但系如果要我餐餐坐都真系几攞命，尤其是我呢D肥大叔
一坐低佢哋急不及待就拎起枱上面嘅木颜色，要开始喺张咭上面画画
D咭本身都已经有图案喺度！当然你都可以自创想画咩都得
然后侍应好细心咁拓住几只小杯子，问我哋想要边只颜色嘅杯！虽然用咩杯饮个啖茶对我嚟讲真系冇分别，但系佢呢个咁细心嘅举动正好让客人有一种被尊重嘅感受
喺未叫Order之前已经令你对店产生好感，等你一阵叫嘢食𠮶阵都阔绰D
餐牌都系靓靓的，见到都开胃！不过里面全部系日文字，唔知系佢俾错咗本日文版我定系只有呢一款餐牌不过我之后好肯定系得呢本，因为我有几款睇唔明嘅时侯问侍应佢都冇俾本纯中文版我
其实都还OK嘅！总之都会识叫，而侍应都好愿意回答你
呢个榻榻咪位虽然对大人嚟讲会有少少唔惯，但系小朋友就坐得好舒服，特别平时𠮶D坐唔定好似哥哥成日坐得半个Pat𠮶D细路，喺呢个位佢哋两个全程都坐得好好！我都开始考虑好唔好屋企以后唔用饭枱，改用矮枱坐地下食饭！
嘢食未到，佢哋慢慢画画最好不过！
从另一个角度望过去我哋个位！
就连碗碟筷都好精致！尤其我同妈咪都超钟意个筷子拓，一小片樱花真系好靓！好想拥有佢
唔驶5分钟，先嚟一碟甜虾刺身(5件) $58
连放侧边嘅配菜(好似海草的食物)都非常好食！甜虾非常新鲜，食落清甜！呢个价钱真系超值
跟住嚟碟黑豚生姜烧饭 $98一上枱我同妈咪第一个反应都系「哗！咁大碟」真系抵食
起码以为呢D扮High Class嘅料理店，Order碟定食或饭之类一定碟𩠌超细碟，估唔到呢碟豚肉多到你唔信
可能你以为佢咁大碟就一定好削，但系真系好好食！肥瘦适中，口感似食紧肥牛！中间夹集一些软骨(不过对小朋友嚟讲就咬唔到，佢哋一咬到就成啖Lur出嚟话有骨㖞)
如果白饭都任装就无敌！
再嚟呢个虾天妇罗卷 $78每一件夹住件水牛芝士！好正好正呀
芊芊都食到好开心！
压轴上场嘅流水机：稻庭乌冬 $98！成团面放落去冰冻河流里面(因为好难分开逐少落)起初因为成个乌冬掉落水所以冇转得咁快，但系后来食吓食吓冇咩面后就越嚟越快
搅到人好似要快d拎佢上嚟嘅感觉，有种赶住食嘅自然反应！
不过讲番个味道，配埋放喺侧边嘅芝士紫菜同葱就好香，同埋面质经过冷河之后真系超弹超好食
最后哥哥反而喺张餐纸上画左D公仔，但系侍应都照收㖞，佢话无端客人画喺边佢哋都会贴出嚟！叫我哋下次嚟睇吓会唔会见到自己幅画贴堂
张贴
