新陶園海鮮酒家

营业中

休息中

去到流浮山梗系去海鲜档食海鲜，呢度嘅海鲜新鲜而且经济，又多选择，最后去咗刘胜记海鲜档买海鲜跟住就去咗新陶园烹调。其实都系住喺元朗朋友介绍，有信心保证。今次第二次嚟，一样做得出色，澳洲龙虾抵食，芝士焗加伊面底，大大碟好够食。豉油王大虾，葱蒜豉油好惹味，爱不释手。蛏子王粉丝底清蒸，滋味无穷。油盐焗重皮蟹，爆羔之选。清蒸东星班, 鱼肉滑溜，有鲜味。陈皮蒸鲍鱼，厚肉好味。酥炸生蚝，流浮山必食啦，大大只又creamy. 对上一次食咗老虎斑, 二食好正。佢哋门口仲有啲小食，有一部份自家制，可以买啲手信返屋企食。