影片
更多
2010-03-07
5 浏览
浑水摸鱼!! 今日同老婆嚟咗呢度食午餐，叫咗：煎蛋免治牛肉饭 ($42)蛋牛治 ($22)冻柠茶 ($16)热朱古力 ($14)个煎蛋免治牛肉饭卖相好鬼普通，收得$42会唔会俾D诚意呢? 咁嘅卖相我不如去求其一间茶餐厅食？咪最多$25一碟?! 味道又淡，Ｄ免治牛肉汁又少....蛋牛治入面Ｄ蛋煎得仲未够功力，同普通茶餐厅完全无分别....我谂个师父要去多Ｄ餐厅食吓，剩系赤柱间泗益都好过你哋100倍...冻柠茶无特别...朱古力竟然无朱古力味.....由落单到食物上枱，都有惊喜:1. 落单果位待应问完又问系唔系煎蛋免治牛肉饭，到我叫蛋牛治系咪1份? 吓？两个人食饭，先前叫咗个饭，之后叫个蛋牛治都仲要问系咪1份? 咁你唔问我碟饭系咪要1碟?2. 个煎蛋免治牛肉饭、冻柠茶同热朱古力到咗，个蛋牛治都未到，食咗3份1，忍唔住问老板娘(我估佢系老板娘，我见佢有打电话叫Ｄ人番工)，佢答我：「好呀，我帮你跟...」，５分钟后碟饭食完果份蛋牛治都仲未到，见到老板娘我俾个手势佢话份蛋牛治仲未到，佢回应我：「我帮你跟咗㗎喇...」,如是者５分钟又过去.....我揾咗第二个待应追，佢回应：「好呀，我帮你跟...
今日同老婆嚟咗呢度食午餐，叫咗：
煎蛋免治牛肉饭 ($42)
蛋牛治 ($22)
冻柠茶 ($16)
热朱古力 ($14)
个煎蛋免治牛肉饭卖相好鬼普通，收得$42会唔会俾D诚意呢? 咁嘅卖相我不如去求其一间茶餐厅食？咪最多$25一碟?! 味道又淡，Ｄ免治牛肉汁又少....
蛋牛治入面Ｄ蛋煎得仲未够功力，同普通茶餐厅完全无分别....我谂个师父要去多Ｄ餐厅食吓，剩系赤柱间泗益都好过你哋100倍...
冻柠茶无特别...
朱古力竟然无朱古力味.....
由落单到食物上枱，都有惊喜:
1. 落单果位待应问完又问系唔系煎蛋免治牛肉饭，到我叫蛋牛治系咪1份? 吓？两个人食饭，先前叫咗个饭，之后叫个蛋牛治都仲要问系咪1份? 咁你唔问我碟饭系咪要1碟?
2. 个煎蛋免治牛肉饭、冻柠茶同热朱古力到咗，个蛋牛治都未到，食咗3份1，忍唔住问老板娘(我估佢系老板娘，我见佢有打电话叫Ｄ人番工)，佢答我：「好呀，我帮你跟...」，５分钟后碟饭食完果份蛋牛治都仲未到，见到老板娘我俾个手势佢话份蛋牛治仲未到，佢回应我：「我帮你跟咗㗎喇...」,如是者５分钟又过去.....我揾咗第二个待应追，佢回应：「好呀，我帮你跟...」（但系佢唔系行去水bar果面，吹账~~)
3. 过咗一阵有个待应行过嚟附近大赶叫：「边个叫蛋牛治？」我答系我，但与此同时我听到老板娘口up up话：「系佢喇，追咗３次」跟住仲同我讲：「𠸉唔啱呀?」（用挑战嘅语气)
如果喜喜冰室嘅老板睇到呢篇系食评，好想你哋知道，你收得呢个价钱就俾Ｄ良心出嚟做好Ｄ食物质素喇，你当香港市民未去过其它餐厅食过嘢? 定系你以为开咗间「火车头」见求其整Ｄ越南粉出嚟都有人扑住帮衬你，就可以求求其其?
服务态度都好重要㗎，你估你打开门就一定会有人入嚟? 剩系我就唔会再嚟，我仲会好多人分享呢个故事......
张贴