團日式拉麵

营业中

休息中

偶然路过荃湾一条窄街道，睇到一间食日本拉面店铺，门外好有日本拉面铺feel， 系自己用贩卖机落单，横掂有小小肚饿，试下部机，点个面食。樱花虾拉面 $88我比较钟意食曲面，弹牙啲，饮一啖汤底先，好浓厚嘅猪骨汤底味道，重有两块紫菜搭埋。其他店铺只会畀一块。温泉蛋唔系一半，系有成只啊，咬开流晒王，又够蛋味；大葱丝切得好幼细，两片半肥瘦嘅叉烧，一啲都唔肥，入口即溶；樱花虾咸咸香香；加几片竹笋，葱粒，食得过。下次可以带埋朋友嚟食。富士山梳打 $22甜甜酸酸嘅柚子蜜，加咗梳打水；梗系有啲气啦。不错不错。佢哋好鬼马嘅，电视机都系播紧日本卡通片。