影片
更多
2018-04-28
85 浏览
朋友一向钟意食印度菜，专登上开饭search下有咩拣，揾到呢间叫Sangeetha Vegetarian的印度素菜，睇相几正，即刻一齐黎试试。大约八点左右黎到，全间餐厅差不多九成满座，而且全部都系印度人，哈哈，一定好正宗啦。餐牌好多选择，由朋友拍板点左几样野。Masala tea（$35）印式香料奶茶，就如其名，满满的香料味，茶好香呀，味道有啲似港式的茶走，甜甜的好好饮。Kiwi juice （$45）朋友叫左奇异果汁，颜色好绿呀～虽然奇异果味不浓，微甜都几好饮。Masala dosa（$70）未食过印度煎饼叫左一件试下，薄薄一片入面有馅料，仲附有三款酱汁，薄荷酱，椰子汁，咖哩汁。薄荷酱好劲薄荷味，够清新但朋友话有啲难接受就咁食用。椰子汁杰身仲有椰子肉，口感特别。咖哩汁微辣，配煎饼好夹。馅料是薯仔蓉混入杂菜，带少少咖哩味，煎饼烟韧似薄版的热香饼，一份都好饱肚。Aloo mutter（$60）食印度菜点少得食咖哩，先叫了一份薯仔青豆咖哩，大量切粒的薯仔，仲有少少蕃茄同青豆，咖哩充满香料味，几辣下的，但辣得黎又好惹味，连naan饼食刚刚好。Palak mutter（$65）仲点了菠菜薯仔，
大约八点左右黎到，全间餐厅差不多九成满座，而且全部都系印度人，哈哈，一定好正宗啦。
餐牌好多选择，由朋友拍板点左几样野。
Masala tea（$35）印式香料奶茶，就如其名，满满的香料味，茶好香呀，味道有啲似港式的茶走，甜甜的好好饮。
Kiwi juice （$45）朋友叫左奇异果汁，颜色好绿呀～虽然奇异果味不浓，微甜都几好饮。
Masala dosa（$70）未食过印度煎饼叫左一件试下，薄薄一片入面有馅料，仲附有三款酱汁，薄荷酱，椰子汁，咖哩汁。薄荷酱好劲薄荷味，够清新但朋友话有啲难接受就咁食用。椰子汁杰身仲有椰子肉，口感特别。咖哩汁微辣，配煎饼好夹。
馅料是薯仔蓉混入杂菜，带少少咖哩味，煎饼烟韧似薄版的热香饼，一份都好饱肚。
Aloo mutter（$60）食印度菜点少得食咖哩，先叫了一份薯仔青豆咖哩，大量切粒的薯仔，仲有少少蕃茄同青豆，咖哩充满香料味，几辣下的，但辣得黎又好惹味，连naan饼食刚刚好。
Palak mutter（$65）仲点了菠菜薯仔，就是菠菜蓉加薯仔粒，这款不辣的，浓郁的蔬菜味，除了薯仔粒仲有芝士粒，双重口感很不错呀。
Garlic naan（$40）烤饼是至爱来的，烟烟韧韧好有咬口，点了蒜蓉口味，蒜香十足，再加上芫荽碎，更添香气呢。
Peas naan（$40）仲点左青豆烤饼，但好似来错左蒜蓉味？同上面个块一样味，都系好浓蒜蓉味，而且也不觉有青豆。
店内全是印度人，哈哈，我俩好似成为全场焦点。
张贴
