鳴虎 (北帝街) (已結業)

最近日本宣布重新开关，紧系去食下拉面准备下先！呢间拉面店系土瓜湾有2间分店，当日就去左北帝街分店食。铺头主要提供四款口味，全部都以豚骨汤为基底，再加上其他味道。而不同期间都会推出特别日味。当日嗌左黑呜虎（黑蒜油）及呜海老（味噌虾）拉面。黑呜虎以黑蒜油调味，黑蒜油十分香，豚骨汤饮落厚身而唔死咸，拉面用上细面，因为汤底浓厚所以亦十分挂汤。叉烧上菜前灸烧过，将叉烧既油脂烧出十分香口。一碗拉面亦附上一只溏心蛋，两块灸烧过既叉烧，紫菜等，配料足够。呜海老为虾味噌豚骨汤拉面，汤底虾味突出，饮落鲜味配上豚骨汤亦很夹。可是，因为加左味噌关系有小小重口味，食到后面有小小咸。 当日亦加钱嗌左份叉烧同饺子小食，小食叉烧为猪肩肉，食落比拉面叉烧瘦小小，另外饺子为菜肉馅，唔够喉既朋友可以考虑点。