村爺爺車仔麵 (已搬遷) 新店位置

唔系去开呢头真系未必知呢度有间车仔面。门口有电视卖广告，又有好多杂志介绍既报道，应该唔会差，就试下。餐牌清楚易明，一目了然！最后选左龙虾汤底，三 食送 +黑毛猪露笋卷！饮品叫左苹果汁，饮落呢个牌子既果汁几好。龙虾汤公仔面汤底好浓！饮落甜甜地，好香浓既龙虾味！唔咸，成碗饮晒都无问题！加上好耐无食公仔面啦！面加埋个龙虾汤食，好味！牛肋条炆得好淋，入晒味。而萝卜当造，好清甜，亦炆得好淋，点埋个和牛油卤水汁同秘制沙爹酱食，好好味！秘制沙爹酱同出面既真系唔同，呢个更香口，辣辣地，无甘结，钟意食沙爹酱既一定会上引黑豚毛猪露笋卷猪肉肉质较淋，露笋爽口！加埋个麻酱好夹！唔错既一道小食！！车仔面黎讲，呢间做得唔错！估唔到有龙虾汤底，仲有露笋卷！下次会再黎食过！