影片
更多
2019-01-02
129 浏览
喺德福睇戏前就同朋友快快喺锦丽食个晚餐。因为睇戏时习惯会食爆谷同饮汽水，所以呢个戏前晚餐唔使食得好饱，最紧要快。今晚好好彩唔算多人，我哋好快就有位。我同朋友各自叫咗一碗单𩠌河粉，包括生牛肉河粉同牛丸河粉，咁就可以分享啲𩠌！好快，热辣辣嘅河粉就送上，锦丽河粉最吸引嘅就系个牛肉汤底，颜色清透，味道好浓郁，有香甜肉味。我哋都习惯第一时间饮啖汤，之后先将配料，包括九层塔，鸭舌草等加入，增加碗面嘅层次感。生牛肉被切成薄薄一片，肥瘦适中，好快就被热汤底煮熟，所以要快啲食，口感先会嫩滑。牛丸都好令人惊喜，因为粒粒牛丸都真材实料，一咬落去就有香浓牛肉味，唔会系味精味，所以生牛肉同牛丸河都系必食！其实碗面嘅份量唔算大，不过胜在汤底鲜甜，配料有惊喜，所以都好值得一试！
锦丽生牛肉粉
$60
22 浏览
0 赞好
0 留言
锦丽牛丸粉
$58
29 浏览
0 赞好
0 留言
好快，热辣辣嘅河粉就送上，锦丽河粉最吸引嘅就系个牛肉汤底，颜色清透，味道好浓郁，有香甜肉味。我哋都习惯第一时间饮啖汤，之后先将配料，包括九层塔，鸭舌草等加入，增加碗面嘅层次感。生牛肉被切成薄薄一片，肥瘦适中，好快就被热汤底煮熟，所以要快啲食，口感先会嫩滑。牛丸都好令人惊喜，因为粒粒牛丸都真材实料，一咬落去就有香浓牛肉味，唔会系味精味，所以生牛肉同牛丸河都系必食！
其实碗面嘅份量唔算大，不过胜在汤底鲜甜，配料有惊喜，所以都好值得一试！
张贴
