鬼金棒牛骨辣麻拉麵

营业中

休息中

鬼金棒牛骨汤拉面系一间主打牛骨清汤汤底嘅拉面，开正喺鬼金棒拉面隔离。同鬼金棒一样，汤底有普通同辣麻之分。我今日叫咗个味玉辣麻牛骨拉面（中辣，小麻）。汤底好浓牛骨味，起初以为自己食紧台湾牛肉面 😂 饮落好顺口。除咗好特别嘅牛肉叉烧之外，拉面亦都落咗好多洋葱，香得来唔会抢咗汤底嘅牛骨香味。面条偏幼身，挂汤一般。味玉有惊喜系流心蛋，而且用酱油腌制过。食完碗面，我仲加咗碗白饭。放落剩返嘅汤变汤饭，啖啖牛骨鲜香，真系好正🤤 唯一可惜系我叫咗中辣，少少冚过咗汤底本身嘅味道。如果叫小辣，我相信牛骨味会再出啲，食得辣又钟意牛骨汤嘅人可以试一试 😉