雙辣 (已結業)

今次我哋嚟到屯门嘅双辣，位于GoGo Mall 入面，喺走廊行到最尾就会揾到㗎啦☺️我哋叫咗川府水煮牛肉，烧蒜包心菜，香辣椒盐猪扒，粉丝明虾煲同埋一碗白饭每碟份量都算几多，我哋两个人都食到好饱好饱😅川府水煮牛肉 水煮牛肉好大碗同埋一嚟到已经闻到好香嘅花椒味，卖相好靓，牛肉片片都好大块，起码有十几块除咗牛肉之外仲有好多芽菜同埋宽粉，超级足料，好抵食👍牛肉片十分嫩滑，一啲都唔老，煮得啱啱好，同埋腌得好入味，鲜香可口，油而不腻芽菜同埋宽粉就索晒麻辣汤底，香味好浓烈，好好食，但系就比较辣，食唔到辣嘅朋友就可能尝试唔到啦烧蒜包心菜 呢碟炒菜一嚟到就已经闻到好香嘅蒜味，见到有加几只干辣椒一齐炒菜炒后可以保持到爽脆口感，味道清甜，再加上蒜蓉吊味，真系回味无穷😋辣度连唔食辣嘅朋友都可以接受，所以唔使担心👍香辣椒盐猪扒 对比起平时食嘅，呢度嘅椒盐猪扒表面就比较湿啲，唔会太脆口不过一嚟到已经散发出阵阵嘅椒盐香味，猪扒非常入味，口感松软，肉汁丰富，一啲都唔油腻，捞埋饭就最正😍 同埋有好多块，每块都系厚切猪扒，真系好抵食粉丝明虾煲 粉丝炒得十分干身，有大排档嘅阵阵镬气味，同埋索晒虾嘅海鲜鲜香味👍有好多只虾，惊喜