浦東晉家門

营业中

休息中

农历新年即将来临，系时候买番啲新嘅衫裤鞋袜，因假期要返工赶货，所以拣咗平日嘅时间去行街扫货，特登收早啲约埋太太系旺角地鉄站等，然后先一齐去睇吓有乜靓嘢，由旺角行到去太子，太太同我都买咗少少心头好，见有啲肚饿就系咐近揾间餐厅，食埋饭先回家，咁啱见到前面有间叫(浦东晋家门)嘅意大利菜餐厅，就入去睇吓有冇位，好在时间尚早，唔使等就有位，侍应俾我地自己拣位坐，跟住再放底餐牌，太太选择咗个 意式鲜茄肉丸意粉，我就要咗至爱 安格斯肉眼扒，同埋一个小食 系水牛城鸡翼，先上嘅系水牛城鸡翼，皮炸得好香脆，配埋𠮶酱，特别惹味，跟住意粉同安格斯肉眼扒都来了，意粉软硬适中，肉丸加茄汁，更加无得顶，安格斯肉眼扒我叫咗五成孰，肉质好冧，牛味好浓郁，沾少少克椒汁，更加正。重有个配菜炸薯仔圈都好脆，下次可以再同太太来。