築地‧山貴水產市場 (已結業)

结婚周年，我地去食好野，吾系西餐系食日本野，去左开业咁耐都一直想去嘅湾仔码头，筑地山贵水产市场。去到真系地方又大又靓，直落玻璃望住个海，浪漫丫。先嚟点了刺身，筑地时日精选刺身盛，海鲜好新鲜，有系日本食鱼生嘅感觉，好正，个刺身盛有海胆大虾拖罗等等五款咁多，拖罗最正，入口即溶，谂起都回味。仲点了寿司盛set a，入面有大吞拿鱼腩，中吞拿鱼腩，赤身，炙烧吞拿鱼腩，香䓤吞拿鱼腩蓉军舰，全部都好正丫，新鲜甜美，非常滋味。最后想食下烧和，点了烧秋刀鱼，佢都烧得好好，上面仲热，皮烧得脆嘅，香口，同埋都好大只，饮住野，望住靓景，食住条鱼一流享受。