影片
更多
2018-10-27
206 浏览
平时返工经过见到依一间西餐厅，已经觉得佢装修得好靓好有气氛，但一直都未有机会去食饭。今日有旧同学生日，就决定约出嚟去依间餐厅食饭啦！提早打电话预约8点两位，果然准时有枱比我地入座。入到餐厅入边，铺头虽然唔算大，但系佢嘅装修相当精致，环境好有气氛，可以俾我哋静静地咁样享受晚餐！望一望餐牌，原来而家做紧主打蓝青口任食嘅套餐，而且价钱仲相当优惠，咁我哋当然要试一试佢啦。点完餐大概等左5-10分钟左右，两碗香气十足即点即制嘅肥美青口就已经送到枱上啦！一款系罗勒白酒忌廉煮蓝青口，青口经过白酒烹调，未食落口已经香气扑鼻，而白酒经过烹调之后大部份酒精都挥发咗，所以就算平时唔饮酒嘅人食落口都会感到有酒味。而佢嘅忌廉汁亦都煮得恰到好处，冇掩盖青口鲜味之余，亦令到青口嘅口感变得creamy！另一款意式茄酱煮蓝青口亦都烹调得相当美味！茄酱口味味道相对比较浓郁，食落去酸酸甜甜相当开胃！令人食完一只又一只停唔到口！至于主菜方便，我哋拣咗香草鸭胸·珍宝虎虾配芒果酱，以及煎焗香茅鲈鱼扒配西柚柠檬汁。香草鸭胸份量相当丰富,鸭胸够厚身之余亦都煎得恰到好处，而只虎虾真系相当之大只，而且肉质美味非常弹牙，冇令人失望。另外都
今日有旧同学生日，就决定约出嚟去依间餐厅食饭啦！
提早打电话预约8点两位，果然准时有枱比我地入座。
入到餐厅入边，铺头虽然唔算大，但系佢嘅装修相当精致，环境好有气氛，可以俾我哋静静地咁样享受晚餐！
望一望餐牌，原来而家做紧主打蓝青口任食嘅套餐，而且价钱仲相当优惠，咁我哋当然要试一试佢啦。
点完餐大概等左5-10分钟左右，两碗香气十足即点即制嘅肥美青口就已经送到枱上啦！
一款系罗勒白酒忌廉煮蓝青口，青口经过白酒烹调，未食落口已经香气扑鼻，而白酒经过烹调之后大部份酒精都挥发咗，所以就算平时唔饮酒嘅人食落口都会感到有酒味。而佢嘅忌廉汁亦都煮得恰到好处，冇掩盖青口鲜味之余，亦令到青口嘅口感变得creamy！
另一款意式茄酱煮蓝青口亦都烹调得相当美味！茄酱口味味道相对比较浓郁，食落去酸酸甜甜相当开胃！令人食完一只又一只停唔到口！
至于主菜方便，我哋拣咗香草鸭胸·珍宝虎虾配芒果酱，以及煎焗香茅鲈鱼扒配西柚柠檬汁。
香草鸭胸份量相当丰富,鸭胸够厚身之余亦都煎得恰到好处，而只虎虾真系相当之大只，而且肉质美味非常弹牙，冇令人失望。另外都有啲配菜以及薯蓉伴碟，卖相吸引之余，味道亦都非常之好！
令一款煎焗香茅鲈鱼扒，煮过𩠌嘅都知道，煎鱼扒真系好考功夫，而今日依块煎鱼扒，师傅真系好有心机，煎得好完整好靓，而肉质仍然弹牙，恰到好处！
依间餐厅环境好而且食物有质素，有机会一定会再嚟试吓!
张贴
