影片
更多
2023-01-17
1854 浏览
浪漫情調🌹高質美食🦞🥩慶祝🥳必去西餐廳Chef’s Stage Kitchen (將軍澳）今次同豬仔拍拖特意嚟到將軍澳哩間餐廳，餐廳嘅西餐出名水準高，而且餐廳環境好有氣氛，啱晒情侶慶祝紀念日、情人節同撐枱腳👬🌹餐廳坐落位置好方便，地鐵站A2出口過對面馬路就係啦！出邊仲有好靚嘅燈飾，感覺好浪漫✨🌹一入到餐廳侍應服務非常貼心，而且好有禮貌，完全感受到餐廳既高質服務，為今次嘅用餐留下不少深刻印象🥰呢度嘅二人餐唔錯，有餐包、餐湯、前菜、飯或者意粉、再加牛扒龍蝦、飲品兩杯，都係$688‼️一於試吓先😝✨Dinner Set For 2 $688🌸餐湯 — 紫薯忌廉湯平時都好少見到有呢個湯，餐湯顏色好靚，夢幻嘅紫色好特別，紫薯味很濃郁，忌廉味好香，鍾意食紫薯嘅朋友記得要試吓🤗 🌸雜錦餐包配香草芝士醬有三款餐包，餐包本身已經有好香牛油味，而且好鬆軟，沾上芝士醬好香濃，仲有兩條脆脆小法棍，食落好香脆！😋🌸意大利風乾腿伴蜜瓜前菜我我哋選擇咗風乾火腿伴蜜瓜，呢個組合冇得輸，鹹鹹香香嘅火腿，切得很通透，份量一啲都不吝嗇，蜜瓜很甜，很清新，火腿伴蜜瓜一起，入口香甜多汁！橄欖油伴火箭菜用嚟點餐包都好合適🤗🌸鮮藍
Chef’s Stage Kitchen (將軍澳）
今次同豬仔拍拖特意嚟到將軍澳哩間餐廳，餐廳嘅西餐出名水準高，而且餐廳環境好有氣氛，啱晒情侶慶祝紀念日、情人節同撐枱腳👬🌹
餐廳坐落位置好方便，地鐵站A2出口過對面馬路就係啦！出邊仲有好靚嘅燈飾，感覺好浪漫✨🌹一入到餐廳侍應服務非常貼心，而且好有禮貌，完全感受到餐廳既高質服務，為今次嘅用餐留下不少深刻印象🥰
呢度嘅二人餐唔錯，有餐包、餐湯、前菜、飯或者意粉、再加牛扒龍蝦、飲品兩杯，都係$688‼️一於試吓先😝
✨Dinner Set For 2 $688
🌸餐湯 — 紫薯忌廉湯
平時都好少見到有呢個湯，餐湯顏色好靚，夢幻嘅紫色好特別，紫薯味很濃郁，忌廉味好香，鍾意食紫薯嘅朋友記得要試吓🤗
🌸雜錦餐包配香草芝士醬
有三款餐包，餐包本身已經有好香牛油味，而且好鬆軟，沾上芝士醬好香濃，仲有兩條脆脆小法棍，食落好香脆！😋
🌸意大利風乾腿伴蜜瓜
前菜我我哋選擇咗風乾火腿伴蜜瓜，呢個組合冇得輸，鹹鹹香香嘅火腿，切得很通透，份量一啲都不吝嗇，蜜瓜很甜，很清新，火腿伴蜜瓜一起，入口香甜多汁！橄欖油伴火箭菜用嚟點餐包都好合適🤗
🌸鮮藍蟹肉及蘆筍燴意大利飯配鮮蝦頭膏
呢個飯集合左海鮮嘅精華，啖啖蟹肉配上鮮甜既蝦頭膏，味道簡直係冇得頂👍🏻海鮮味直沖口腔，感覺置身於大海中，蝦蟹嘅合奏在口中上演🦀🦐🌊‼️食落蟹肉好鮮美，仲有淡淡既奶油香😍大家一定要試吓👍🏻👍🏻
必食指數✨✨✨✨
🌸炭燒穀飼澳洲肉眼扒🥩拼香草牛油肉焗波士頓龍蝦尾🦞
一上枱香濃嘅牛味同龍蝦味撲鼻而來，菜式賣相一流，肉眼扒上佈滿網紋烤得好靚，龍蝦仲剝埋肉，香烤龍蝦肉上伴上滿滿嘅芝士醬，仲配上烤蔬菜及薯條🍟，滿滿既一碟好滿足😋
🥩🐮肉眼扒熟度啱啱好，一啲筋都冇，好香嫩，切開顏色好粉嫩，仲有滿滿嘅血紅蛋白，保留肉汁！牛味非常香濃，食過返尋味😋😋碟上伴有牛扒汁、黃芥末及烤蒜頭，我哋可以按自己口味去調味🥰
🦞龍蝦配上濃濃嘅芝士，鮮甜味香濃，龍蝦肉彈牙新鮮，而且已經剝好咗😍啱晒我哋，夠晒方便🤗必食👍🏻👍🏻👍🏻
必食指數✨✨✨✨✨
🌸（紅/白酒）西班牙水果酒 $88（Set)
今次叫咗白酒西班牙水果酒，份量好足夠！兩個人飲夠曬😆白酒味好清香，配上水果，口感清新好易入口，好似飲緊果汁咁Fresh，清爽到好似去咗熱帶雨林嘅感覺🌴🍏🫐放工後同朋友小酌也不錯，放鬆身心🤗而且食完濃味嘅食物，再飲一下清爽嘅飲品，感覺很舒暢☺️
必食指數✨✨✨✨✨
呢間餐廳無論食物水準、環境、地理位置都很不錯👍🏻同情人、朋友、家人一齊嚟食餐飯，輕輕鬆鬆小酌一杯，真的很寫意，店員服務又很窩心，真心誠意推介大家嚟試吓🤗有機會下次我一定會再嚟食✨
食物✨✨✨✨✨
環境✨✨✨✨✨
衛生✨✨✨✨✨
價錢✨✨✨✨
🏠 Chef’s Stage Kitchen (將軍澳）
將軍澳唐俊街12號天晉匯地下G03號舖
张贴
