Osteria Marzia

营业中

休息中

星期六晚double date来到湾仔呢间新餐厅，其实之前Instagram见过人post，一早想试好耐就约埋另一对 couple friends去食晚餐男朋友好醒知道佢地而家四位都有得订座 (以前净系得五位或以上先有得订)，预先打去订七点半，我地去到唔驶等即刻有得座了。餐厅环境系大卖点，蓝色调加上柔和灯光，仲有意大利文音乐好有情调 座低叫酒，侍应细心介绍好配菜的葡萄酒。我地叫左支白酒先，始终系食海鲜o麻！之后来生蚝，有特别因为除左可加柠檬汁之外仲有个红醋汁， 系你面前会斟D意大利红酒，个汁味道酸酸地有酒香，加上新鲜肥美既生蚝上食一流～意粉试左个龙虾面同海胆面，海胆面系见人post过先知有menu已经无写，不过一问之下如果大厨有材料都会做比你食既  龙虾面更正，鲜甜有嚼口食得出系fresh pasta。主菜我地叫左个 剑鱼扒，味道出其鲜味有油脂。这道菜就配左支红酒，好好饮好smooth。加埋甜品 (几种都做得好有心机)觉得有质素可以再来 date night。