四季禅 (已結業)

刚刚同事去咗呢间位于登龙街MIDTOWN 29楼嘅四季禅，食完之后话拍拖真系一流，特别佢个超正海景，话可以一边食一边吹水非常之正。而最后。。竟然同咗几个朋友一齐去食。餐厅内舒适度十足，而且仲有个无敌海景，非常浪漫。晚餐时段可以选择半自助形式餐单，自助食物质数都好高，当中有沙律、寿司刺身、熟食、甜品等等大约有十多款任吃的食物。另外更有主菜，每款$488-$688。寿司种类都有好多选择，特别带子寿司嘅带子除咗厚身之外亦非常新鲜，忍唔住都食咗六件。炸天妇罗外脆内弹牙，粉浆亦都唔会好厚非常鲜嫩。鹅肝必食推介，如果钟意食鹅肝一定钟意，鹅肝甘香厚身真系好难抗拒。澳洲羊架配赤味噌照烧汁 $688当晚我就叫咗澳洲羊架配赤味噌照烧汁 ，上到枱已感受到佢香喷喷嘅味道，羊架煮得刚刚好非常惹味，而赤味噌照烧汁系平时嘅餐厅都好小食到风味十足。