影片
更多
2018-07-21
146 浏览
我哋因为啱啱行完卡乐b，所以就由正门出入，行上每一级都有灯带包围嘅楼梯之后上咗一楼，左手边系一个半自助餐嘅corner，直入就系一个长厅用餐区，行到最尾嘅右手边，有道自动门通往outdoor嘅座位，餐厅装潢高贵华丽，走fine dine嘅格局，喺呢度庆祝纪念日就最好不过。餐厅奉送嘅两款餐包，口感软硬适中，为今晚嘅晚餐揭开一个好好嘅序幕。餐厅宜家做紧promotion，凡惠顾任何主菜加168蚊就有日本同埋法国生蚝任食，仲可以以半价优惠拣选餐厅四款得奖嘅signature cocktail一杯，我拣咗Gin Tea Mojito，贪佢有薄荷味可以爽一爽，呢一杯cocktail酒味未算太浓，非常适合女士饮用，口感清爽之余仲有淡淡嘅茶香，果然系得奖嘅signature cocktail。呢三款系用嚟配衬生蚝嘅酱汁，最上面系经典嘅cocktail sauce，除咗经典cocktail sauce嘅酸味之外，仲比起坊间嘅多咗一份甜味；中间绿绿地色嘅系餐厅自家制泰式辣汁，呢个酱汁嘅味道同泰式生虾汁有少少相似，不过就再甜啲 同埋完全无蒜头味，咁就唔会抢咗生蚝嘅鲜味，同生蚝非常之衬；喺柠檬隔离嘅系香葱红
我哋因为啱啱行完卡乐b，所以就由正门出入，行上每一级都有灯带包围嘅楼梯之后上咗一楼，左手边系一个半自助餐嘅corner，直入就系一个长厅用餐区，行到最尾嘅右手边，有道自动门通往outdoor嘅座位，餐厅装潢高贵华丽，走fine dine嘅格局，喺呢度庆祝纪念日就最好不过。
餐厅奉送嘅两款餐包，口感软硬适中，为今晚嘅晚餐揭开一个好好嘅序幕。
餐厅宜家做紧promotion，凡惠顾任何主菜加168蚊就有日本同埋法国生蚝任食，仲可以以半价优惠拣选餐厅四款得奖嘅signature cocktail一杯，我拣咗Gin Tea Mojito，贪佢有薄荷味可以爽一爽，呢一杯cocktail酒味未算太浓，非常适合女士饮用，口感清爽之余仲有淡淡嘅茶香，果然系得奖嘅signature cocktail。
呢三款系用嚟配衬生蚝嘅酱汁，最上面系经典嘅cocktail sauce，除咗经典cocktail sauce嘅酸味之外，仲比起坊间嘅多咗一份甜味；中间绿绿地色嘅系餐厅自家制泰式辣汁，呢个酱汁嘅味道同泰式生虾汁有少少相似，不过就再甜啲 同埋完全无蒜头味，咁就唔会抢咗生蚝嘅鲜味，同生蚝非常之衬；喺柠檬隔离嘅系香葱红酒醋，带住微微酸辣嘅味道与及红酒嘅余韵，用嚟配衬生蚝，感觉令人耳目一新。
好多人讲到生蚝就只认识法国生蚝，其实日本生蚝都系好嘢，左手边嘅系日本兵库县生蚝，口感非常creamy，难怪被日本人称为海底的牛奶；蚝身长得非常肥美，入口味道清甜爽口，余韵又有少少回甘，系一只好特别嘅生蚝。而右手边嘅系法国Fine de Claire生蚝，佢有住修长嘅薄壳, 肉色带浅，味道咸到好似吞咗一啖法国海水一样，所以都系建议先食日本蚝；Fine de Claire一方面带有海水嘅咸味，另一方面亦都带有榛果香味。若然连埋壳入面嘅海水一同吸入，满口尽是大海嘅鲜味，过瘾，系一只受欢迎嘅高品质生蚝。
红酒烩和牛面𣍰配秋葵蕃茄薯蓉，和牛面𣍰被炖得极度软腍，由于炖得够火喉嘅关系，味道完全融入和牛面𣍰入面，入口有淡淡嘅酒味，肉质嫩滑，薯蓉细滑之余，厨师仲落咗少少黑松露喺入面，连配菜都令人充满惊喜，值得一赞。
走嘅时候落紧大雨，侍应提醒原来仲有部lift可以唔洗揼雨直接落到地铁站，非常贴心；餐厅无论食物同环境都咁出色，相信我好快又会再嚟。
张贴
