嘉禧餐廳 (已結業)

女朋友近排返工成日周围去，今日就系中环。难得我都系附近，互相接大家放工之余，仲可以去浪漫一下，食返个烛光晚餐。由上环行干诺道中去IFC，无意间系天桥附近发现左呢间法国餐厅。即使系夜晚，湖水蓝色嘅门面装修都好抢眼，似外国咖啡店又富有情调。我地就系咁被吸引左入去。店舖不大，大概十数个位置，幽暗环境更添浪漫。细问之下原来餐厅系法国有自己酒庄，酒品有保证，而且食物亦都系采用新鲜有机农作物。点左黑松露野菌汤，蘑菇味香浓，汤品细滑。主菜要左巴隆醋佐法式鸭脾。Duck Confit ，中文译做油封鸭腿，系法国传统菜式，系好耐以前未有雪柜嘅年代，用黎保存食物嘅方式之一。鸭脾皮十分香脆，伴以大量新鲜沙律菜，再配上酸酸甜甜嘅黑醋，一啲都唔会油腻。腌鸭肉仍然保持嫩滑，咸度适中。