La Taverna

营业中

休息中

今晚同朋友黎左呢间好有异国风情既意大利餐厅晚饭！餐厅位于亚士厘道尽头，门口已经好令，餐厅入面要落一层，装修浪漫，有不少外国人o系度食野。我地先点左一份吞拿鱼他他配辣牛油果酱。前菜黎讲份量都几多，吞拿鱼配辣牛油果酱几惹味，唔错。之后点左一份手做扭绳粉配手撕鸡及罗勒青酱，呢个意粉好特别，系自家制既扭绳粉，外表似银针粉，口感有咬口而且烟韧，个sauce好香好rich, 配手撕鸡同脆口既松子几有创意。主菜点左慢炖羊小腿，羊小腿煮得好淋好入味配左薄荷乳酪做汁，食落无咁腻。最后甜品点左食意大利菜必食既Tiramisu, 卖相好令，Tiramisu好软滑，有浓郁既咖啡酒香。整体呢度环境浪漫，好岩情侣黎。