彌敦左岸

营业中

休息中

日前同太太行经开满酒吧嘅赫德道，骤眼所见都系拎住酒杯谈天说地嘅人。由于接近晚饭时间，我地就随意入左一间！餐厅分上下两层，下层门口放住一个啤酒桶，而且有个大萤幕电视播住足球比赛。可能时间尚早，就未见有客人就坐。沿住楼梯去到上层，马上就有waiter上前招呼我地。环顾四周，近门口有一个典型酒吧枱，而另一边就系一个放满夹band乐器嘅小型舞台。舞台后面仲有一张桌球枱！睇睇餐牌，我地先叫左两个龙虾汤。我同太太一向爱食龙虾，所以饮汤食肉系理所当然嘅！橙黄色嘅汤透著浓浓嘅龙虾味，再夹杂住弹牙嘅龙虾肉，每饮一啖，都令停唔到！之后就叫左一个带子烟肉芦笋扁意粉，卖相比较普通。幸好意粉烟韧有咬口，带子亦尚算鲜嫩爽口，而且仲有三大粒。黑松露比萨一上枱，真系哗左一声！唔单止分量够大，成分仲唔简单，有野菌、莫萨里拉芝士、白松露油、洋葱、火箭菜同俄勒冈。黑松露香扑鼻，又足料，两个人食真系够哂饱！最后，黎到酒吧无理由唔饮返杯红酒，听下live band。不过自问对酒唔熟悉，所以叫待应介绍一下，最后点左杯有果香嘅红酒，甜甜地又容易入口，边饮边听band，不愧为一个享受！