Spark Bar & Restaurant (已搬遷) 新店位置

要揾一间岩Feel既餐厅拍下拖其实都几难，环境既气氛好影响一切，灯光呀、音乐呀、周边人都系大影响间唔中都想两个人烛光晚餐，唔打唔撞黎左Spark Bar & Restaurant依到既气氛简直岩晒我同chicken密密针~因为系楼上铺，所以黎到门口觉得几神秘，出面仲有多有关餐厅既报道～环境地方几大，灯光暗暗地好有气氛，而且佢播住以前既英文旧歌，仲要系我以前成日听！即刻感觉出晒黎，而且仲有露天座位，不过因为chicken怕热所以就冇出去坐了～望一望个餐牌，都几多选择~今次想食多啲唔同既野呢～依到仲有一个小房间，女士同小朋友见到一定会双眼发光xd好大只熊啤啤呀！杂莓沙冰，饮品最快上，沙冰够晒冰凉又解渴，而且杂莓味够fresh，酸酸甜甜，愈饮愈开胃～凯撒沙律，材料有生菜、面包糠、车厘茄、烟肉等等，材料新鲜爽口，沙律酱亦同食开既好唔同，当开胃菜一流～三文鱼露笋墨鱼汁天使面，淡淡既墨鱼汁香味已经系咁飘过黎，口感鲜香幼滑，天使面幼身得黎又够弹性，三文鱼较少，不过食完后要记得抹咀呀xd啤酒煮蚬，虽然我地都唔太好啤酒，不过好彩都唔会难入口，有微微苦涩味，同埋有好香蚬汁，蚬肉几滑嫩，食落唔觉有沙，几推介