基地貳 (已結業)

餐厅分上下两层，下层系酒吧为主，上层食泰菜既特色餐厅。呢度环境好靓！有一个特大无边际环形屏幕，会有星球、太空既梦幻投影，令人觉得好放松。烟熏三文鱼刺身，搭配泰式酸辣酱汁，再加上辣椒同蒜头，非常开胃！软壳蟹柚子沙律，软壳蟹香脆，柚子酸酸甜甜，好好味～飞天炒面，用筷子夹起炒面，再淋上酱汁。炸过既幼面香脆可口，配搭海鲜，有虾和鱿鱼，虾够大只鲜甜，加上清新既草菇，份量都好充足。甜品拣咗芒果班兰糯米饭，班兰同椰汁既香气，糯米饭暖暖地，口感绵密，再加上酸甜芒果果肉，中和糯米饭既甜腻。饮品方面，点咗两杯，一杯mango smoothie，清甜芒果味道。另一杯base brother就系酸酸的柠檬汁、配白兰地加上姜啤，口感清爽带少少苦涩。