影片
更多
2024-07-23
4627 浏览
14/7/2024📍Pano今日系特别日子❤️所以去咗食fine dining 🙆♀️仲想要海景 🤦♂️揾咗一轮 最后决定试呢间系西九文化区嘅法国菜但当日天公不作美 竟然落大两我哋嘅海景变咗雨景 但呢个都系另一种浪漫嚟☺️我哋早两日系餐厅网站book位 比咗$200 deposit 晚餐最早可以book 6点 建议大家早啲嚟可以睇埋日落入面环境非常舒适 当日得两枱客 所以好安静晚餐只有两样野可以拣：tasting menu or vegan tasting menu 咁我哋就拣咗前者啦 我哋就跟返上菜嘅次序share下食咗啲咩啦😆⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ✨Signature cocktail ($118)另外嗌咗两杯cocktail 一杯Grapefruit 一杯Lychee 2杯都调得好好饮 酒味唔会太重啱晒唔系中意饮酒嘅🙆♀️ Grapefruit 上面仲有一片烧过嘅柚子饮嘅时候会闻到好香嘅果香✨Amuse bouche有三样野 每样都细细件 好精致第一样系小小嘅薯圈 入面有Parma ham 配清甜露荀蓉 几好食☺️第二样系甘荀挞入面有烟三文鱼粒 青瓜粒 酸忌廉 三文鱼
📍Pano
今日系特别日子❤️所以去咗食fine dining
🙆♀️仲想要海景 🤦♂️揾咗一轮
最后决定试呢间系西九文化区嘅法国菜
但当日天公不作美 竟然落大两
我哋嘅海景变咗雨景 但呢个都系另一种浪漫嚟☺️
我哋早两日系餐厅网站book位 比咗$200 deposit
晚餐最早可以book 6点 建议大家早啲嚟可以睇埋日落
入面环境非常舒适 当日得两枱客 所以好安静
晚餐只有两样野可以拣：tasting menu or vegan tasting menu 咁我哋就拣咗前者啦
我哋就跟返上菜嘅次序share下食咗啲咩啦😆
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
✨Signature cocktail ($118)
另外嗌咗两杯cocktail 一杯Grapefruit 一杯Lychee
2杯都调得好好饮 酒味唔会太重
啱晒唔系中意饮酒嘅🙆♀️
Grapefruit 上面仲有一片烧过嘅柚子
饮嘅时候会闻到好香嘅果香
✨Amuse bouche
有三样野 每样都细细件 好精致
第一样系小小嘅薯圈 入面有Parma ham 配清甜露荀蓉 几好食☺️
第二样系甘荀挞入面有烟三文鱼粒 青瓜粒 酸忌廉 三文鱼子
第三样系自家制墨汁脆片上面有呑拿鱼 柠檬乌鱼子 牛油果
2个都系酸酸地 口感又丰富 开胃一流😋
✨Spanish red prawn carpaccio
最底铺咗一层西班牙红虾刺身薄切🦐虾味好重 充满胶质
上面嘅北海道海胆好鲜甜 配埋青柠忌廉同牛油果酱 十分清爽
✨Bread basket
全部面包都烘到暖暖哋 仲可以refill添
牛角包层次分明🥐好香牛油味
cheese stick脆脆哋 芝士味都好浓
有两款牛油 一款系自家制嘅蜜糖牛油 另一款就系普通咸牛油 用嚟搽法包好好食🥖
✨Young ginger crab bisque
松叶蟹肉份量好多👍🏻 每啖都可以食到蟹肉
子姜汤嘅姜味唔会重 同海鲜味都夹 个汤都几好碗 食到呢度都开始饱饱哋😂
✨Apple wood smoked foie gras royale
呢个超好食😋鹅肝带微微烟熏味 口感好细腻
同炖蛋嘅口感好爽 加埋新鲜黑松露嘅香气 同埋砵酒汁泡沫 层次非常丰富
✨Pan-seared Hokkaido scallop
北海道带子厚实饱满又大粒 表面煎到微微金黄色 中问保持嫩滑
上面嘅鱼子酱唔够香 冇乜存在感
柠檬牛油白酒汁好香 同带子嘅鲜味好夹❤️
侧边嘅海带就冇咩特别
✨Stir fried spicy spaghetti with fish maw & dried scallop
意粉系四川麻辣味 但只系微微辣 味道有啲似食麻辣串烧
意粉偏幻身 不过都好有咬口
花胶煮得好腍 加埋干瑶柱 配搭好新鲜
本身仲以为呢个会中伏 结果食落又几好味
✨Storm clam orzo pasta
我哋都系第一次食米形粉 原来口感咁特别 好滑身 好似节瓜嘅籽咁🤣
北寄贝几有咬口同鲜味
意粉嘅base系海鲜汁 调味啱啱好
✨Handcraft seasonal fruit sorbet
系食main之前 先食个雪芭refresh下先
芒果雪芭 椰子乳酪 椰子脆脆 三种口感
酸酸甜甜 唔错👍🏻
佢个碗几特别 碗盖写住「万寿无疆」😂
✨Slow cooked black cod
煎鳕鱼好嫩滑 中间包住龙虾肉 侧边有薯蓉同蘑菇 配上龙虾汁都好好食😋
✨Charcoal grilled Miyazaki wagyu beef tenderloin (+ $138)
上菜果时侍应会拎埋个炭火烧嘅盒出嚟 开入面件和牛比我哋睇 够晒浮夸😂成间餐厅都会充满住炭火味
食果阵都分唔清系个牛定系空气有炭火味
我地系叫medium rare
牛肉嘅切面真系好靓 好均匀粉鲜红色
只有薄薄外层系上左色 尽显功架👍🏻
牛肉好嫩滑 好易咬开
✨Dried bean curd mille feuille
呢个就好得意 好似分子料理糖水🤣
中间系自家制豆腐雪糕 侧边系腐竹薏米味嘅cream 同埋插住两片腐竹脆片
加埋经液态氮冷冻嘅豆腐粒粒 同最顶果粒烤白果 真系好有创意👍🏻
Ending系两粒朱古力 佛手柑啫喱 同麻辣腰果
ps. 餐厅知道我地系特别日子 送左件拿破仑蛋糕俾我地🥰虽然得两层 但都几好食
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
最后埋单～$2800 （连加一）
整体野食质素好高 service都几好 相信如果天气好嘅话 个景会更加靓
呢间餐厅真系好适合特别节日嚟 一定会有难忘嘅体验☺️
推荐指数🌟：5/5
张贴
