影片
更多
2012-10-06
471 浏览
叹完「松记糖水」, 就慢慢散步去「Antipasto」...今日天气都几清凉, 餐厅嘅落地玻璃折门打开晒, 感觉好欧陆Feel, 好舒服, 一D都唔焗促...枱上除咗有Candle Light Dinner必备嘅Candle, 仲有意大利菜必备嘅橄榄油同黑醋, 红酒系装饰o架咋, 唔好乱咁拎o黎饮呀, 要收钱o架!!! 最赞系... 有2支新鲜玫瑰花, 一红一白, 好浪漫呀!!!餐前面包 (Free) -- 面包香软有麦味, 点橄榄油同黑醋食, Yummy!!! 如果系暖嘅就更加Perfect...Lime Soda 青柠梳打 ($30) -- 餐厅系冇免费茶水供应, 与其7十几8十蚊Share 1支750ml嘅矿泉水o黎饮, 不如叫3杯Soft Drinks仲化算, 计落差唔多价钱咋嘛... 青柠梳打味道清新又唔会甜, 丰富嘅气泡一洗颓气, 精神为之一震... 我地仲Order咗可乐同冻柠茶...Antipasto Misto 杂锦意大利拼盆 ($109) -- 个碟超大, 放咗佢张枱已经冇晒位... 你地睇吓碟边只叉就知, 只叉唔系甜品叉, 而系最大Size果种... 睇真D...
今日天气都几清凉, 餐厅嘅落地玻璃折门打开晒, 感觉好欧陆Feel, 好舒服, 一D都唔焗促...
枱上除咗有Candle Light Dinner必备嘅Candle, 仲有意大利菜必备嘅橄榄油同黑醋, 红酒系装饰o架咋, 唔好乱咁拎o黎饮呀, 要收钱o架!!! 最赞系... 有2支新鲜玫瑰花, 一红一白, 好浪漫呀!!!
餐前面包 (Free) -- 面包香软有麦味, 点橄榄油同黑醋食, Yummy!!! 如果系暖嘅就更加Perfect...
Lime Soda 青柠梳打 ($30) -- 餐厅系冇免费茶水供应, 与其7十几8十蚊Share 1支750ml嘅矿泉水o黎饮, 不如叫3杯Soft Drinks仲化算, 计落差唔多价钱咋嘛... 青柠梳打味道清新又唔会甜, 丰富嘅气泡一洗颓气, 精神为之一震... 我地仲Order咗可乐同冻柠茶...
Antipasto Misto 杂锦意大利拼盆 ($109) -- 个碟超大, 放咗佢张枱已经冇晒位... 你地睇吓碟边只叉就知, 只叉唔系甜品叉, 而系最大Size果种... 睇真D... WoW... 好多款头盘呀!!! 一次过最少满足你5个愿望呀!!! 大家唔使心急, 等我介绍吓先... 咳... 有酿焗灯笼椒、巴马火腿、烟三文鱼、莎乐美肠、什锦橄榄... 沙律菜入面居然仲有白芦笋(Asparagus)添?!!!
酿焗灯笼椒--好甜呀D灯笼椒, 酿焗咗之后就软熟咗同Juicy咗, 好好味...
巴马火腿--都唔错㖞, 有猪肉嘅香味, 唔太咸... 最钟意佢呢只猪唔系太多肥膏...
烟三文鱼--三文鱼好肥美呀, 口腔充斥三文鱼嘅油香同烟熏嘅香气, 好味呀...
莎乐美肠--原味莎乐美肠, 没有加太多花巧, 猪味较淡, 味道都可以呀, 唔太咸...
什锦橄榄--黑橄榄味道都好OK...
Insalata Australiana 澳洲沙律 ($99) -- 好清新嘅沙律呀!!! 蔬菜新鲜爽脆, 配上白醋沙律汁, 酸酸地开胃又健康, 好味呀!!! 鸡胸肉烤得好香口冇油又健康... 以前唔太好牛油果, 但系佢嘅牛油果真系几好食, 好幼滑, 同鸡蛋一齐食更加香...
BBQ Baby Spare Ribs 风味烧猪仔骨 ($179) -- 食食吓我同朋友都赞呢间餐厅d o野又好食d料又靓, 价钱仲要咁经济, 真系可以再o黎... 另一位朋友听见我地咁讲, 仲估呢碟猪仔骨起码要3旧水... 我同佢讲话唔过200蚊时, 佢都O晒咀... 猪仔骨烧得又香又Juicy, BBQ酱甜甜地, 好好味!!! 份量一D都唔细, 食极都食唔完, 好爽呀... 薯角虽然好热气, 不过好好味!!!
Seafood Delight 海鲜什锦大会 ($115) -- 意大利海鲜薄饼, 材料劲丰富!!! 有虾、带子、青口、三文鱼、乌贼、三文鱼、红椒片... 全部都好新鲜, 酱汁都好好味, 赞!!! 饼底系我最钟意嘅薄批, 唔系"PIZZA黑"果种, 人地系真系欧陆式饼底, 同我系巴黎食过嘅一样, 集薄软脆于一身, 好怀念...
食食吓, 我拧转身影相... 朋友好惊咁问我影咩, 可能以为我撞邪, 哈哈哈哈... 我同佢讲影吓现场自弹自唱表演者, 佢碌到对眼好大咁话以为系播碟呀, 完全唔知道系Live Show!!! 因为佢嘅歌声实在太完美!!! 后来佢仲用广东话唱咗几句「我的骄傲」, 好利害呀!!! 佢身边张枱上面有个酒杯贴咗张Tips嘅贴纸, 我地比咗20蚊Tips!!!大约表演咗1个钟左右佢就收工, 原来佢剩系星期四先会系呢度表演, 我地真系好好彩呀!!!
环境极之适合想谈心嘅情侣, 如果撞啱星期四有Live Show就更浪漫!!! 我迟吓都可以带Honey o黎试吓!!!
服务又唔系好似d网友讲到咁差, 系就系慢少少, 但系同欧洲比较, 已经算系好快!!! 欧洲d餐厅真系好慢o架!!!
唯一美中不足嘅系, 全晚d梳化都系吉嘅, 都唔比我地坐!!! 只系比2张最差嘅枱我地拣... 我背脊系水吧, 真系好惊D玻璃杯碌落o黎爆我头...
订位同落单都要用英文, 埋单时有个西方人走埋o黎搭讪派卡片, 原来佢系教Phonics嘅!!! 查实唔知系咪因为服务员同经理问我地好唔好食时, 我地都只系答Nice、Great之类嘅单字, 所以令对方以为有推销嘅空间呢... 查实就算去食中餐, 我地都只会答几好呀、唔错呀之类嘅简单答案, 绝对唔会同陌生人风花说月!!! 而且今晚2个饮食拍拿都系饮咸水大嘅中国人, 又何需再学Phonics呢... 你地揾错对象啦!!!
张贴
