夏娃 (已結業)

今日系同女朋友庆祝2周年纪念，我就上网揾佢喜欢食既德国菜，作为我地庆祝2周年既晚餐，点知比我揾到间系佢番工既附近有间德国餐厅，咁就好啦，接左佢收工就可以带佢过去，间餐厅名好搞笑，叫夏娃，同德国菜系完全扯唔上关系😂。唔理佢啦，总知睇完网上既食评都话佢唔错，就一于试下啦，如果系中伏既话最多都系比女朋友闹餐死姐😅我地叫左2款主菜同埋杯啤酒：德国招牌咸猪手，西班牙脆皮烧乳猪，本身都觉得惨啦，叫左2样都系肉类，搞到试唔到其他菜式，但冇理由要麻烦人地cut单嫁，所以焗住都要食晒佢。德国猪手份量真系好大，金黄色既脆皮，粉红既肉，起初我重以为系餐厅整得唔够熟，但女侍应向我解释并不是不熟，而系德国猪本身既颜色就系粉红色，佢解释餐厅系用慢煮既方法去处理猪手，然后再用高温去焗只猪手，所以个外皮焗到卜卜脆，肉质嫩滑，但因为份量实在太多啦，所以食到一半就打包左先，因为我地重有只西班牙乳猪🤧当乳猪出来既时候，我就放心啦，原来佢既份量唔太大份，我同女朋友都可以岩岩够食得哂，乳猪个皮烧得好薄身，肉质比起猪手更加滑，所以好快比我地食哂😆，其实一路食，一路饮德国生啤真系好过瘾，食到口干干，饮番啖啤酒🍻经过今次食肉战之后，