影片
更多
2021-05-27
1722 浏览
呀！一早已经谂定同男朋友嘅两周年要去呢度食😍😍喺酒店住一晚顺便夜晚喺呢度食🥰真系第一次喺香港去呢啲露天餐厅☁️仲要全海景！🌊仲要个天色咁靓☁️☀️到而家都好怀念！本来系谂住上年生日嘅时候过嚟食嘅 但系点知个垃圾政府就禁夜晚堂食🙃今次终于补返数！因为想有Happy Hour优惠 所以book咗18:00😅去到有得拣室内同室外位置 就算热都要拣室外因为真系好靓！愈坐愈大风💨而且佢出面都有风扇 所以真系唔热😘🥂Happy Hour饮品半价我嗌左moscato🍾男朋友就嗌啤酒🍻另外有啲小食都有happy hour优惠🍤椒盐鲜鱿 $70虽然系细细碟 但系佢真系炸得超级好食😍香辣嘅味道 再配埋佢嘅Sauce 系完美！无论系他他酱定系酸甜酱都一样夹 不过如果点酸甜酱就系再开胃啲😘🥩美国黑安格斯牛仔骨 $260呢个稍为煎到过咗龙 牛仔骨有少少韧 似系整到medium well咁😅但个味系正！厚肉 多汁 食一件都滞😅🥘酸辣咖喱海鲜 $320以为佢只系配薄饼🫓原来除咗薄饼仲配埋白饭🍚酸辣咖喱味超级浓郁 咖喱味出就咁睇佢个价钱虽然系贵 但系其实海鲜系足料😍有虎虾🦐鱿鱼🦑盲𫚧🐟 最估唔到系盲𫚧鱼超鲜甜 冇咩骨仲吸哂
真系第一次喺香港去呢啲露天餐厅☁️仲要全海景！🌊仲要个天色咁靓☁️☀️到而家都好怀念！本来系谂住上年生日嘅时候过嚟食嘅 但系点知个垃圾政府就禁夜晚堂食🙃今次终于补返数！
因为想有Happy Hour优惠 所以book咗18:00😅去到有得拣室内同室外位置 就算热都要拣室外因为真系好靓！
愈坐愈大风💨而且佢出面都有风扇 所以真系唔热😘
🥂Happy Hour饮品半价
我嗌左moscato🍾男朋友就嗌啤酒🍻
另外有啲小食都有happy hour优惠
🍤椒盐鲜鱿 $70
虽然系细细碟 但系佢真系炸得超级好食😍香辣嘅味道 再配埋佢嘅Sauce 系完美！无论系他他酱定系酸甜酱都一样夹 不过如果点酸甜酱就系再开胃啲😘
🥩美国黑安格斯牛仔骨 $260
呢个稍为煎到过咗龙 牛仔骨有少少韧 似系整到medium well咁😅但个味系正！厚肉 多汁 食一件都滞😅
🥘酸辣咖喱海鲜 $320
以为佢只系配薄饼🫓原来除咗薄饼仲配埋白饭🍚酸辣咖喱味超级浓郁 咖喱味出
就咁睇佢个价钱虽然系贵 但系其实海鲜系足料😍有虎虾🦐鱿鱼🦑盲𫚧🐟 最估唔到系盲𫚧鱼超鲜甜 冇咩骨仲吸哂酸辣汤嘅味😋😋好满足
唔好睇佢块薄饼得两块细细的 但系佢系厚嘅薄饼 仲炸到好酥脆 点少少汤 超有饱肚感😍
🥬香蒜辣椒炒通菜 $60
已经唔知讲咗通菜几多次😂😂不过今次个presentation好特别 系用碗装😂😂用碗装住即刻变得好似好少咁 但系其实佢份量好多！系装满哂俾你 蒜味重少少辣 通菜冇炒得过淋 有咬口 正！！
🌈🌟顺带一提 喺我食完碟椒盐鲜鱿之后 佢无啦啦拎碟虾片过嚟话系送俾我哋嘅😅我唔知道系指定嘅前菜定系咩 但系见隔离啲枱又冇🤔🤔虾片嘅酱一样系酸酸辣辣 少少番茄味🍅
虽然食酒店嘅餐厅一定系贵 但系呢间唔系得个贵字 无论食物质素定系环境都值回票价啊😍😍下次会再嚟✨Cheers🥂
张贴
