Otto Restaurant (已結業)

虽然我同女友平时都好钟意周围扫街，但有时都要去D浪漫既餐厅食餐丰富既晚餐平衡下，于是就去左铜锣湾既Otto Restaurant食法国菜。烟三文鱼凯撒沙律沙律菜够爽口，而且冇多余既水份，食到脆口既感觉。烟三文鱼充满油润感，加埋芝士同面包粒，简单又好食。龙虾海鲜酥盒酥皮非常松脆，中间酿左龙虾肉及磨菇粒，加埋忌廉汁，好有口感。活龙虾石锅浓汤 另外加钱要左一份龙虾汤，用石锅呈上，上台时仲系热腾腾，一剪开纸口就热力四射。龙虾汤味道鲜甜美味，而龙虾肉的份量都唔少，而且肉质结实弹牙，如果觉得太浓味，可以加点忌廉中和一下，虽然价钱贵左少少但值得一试。青柠雪葩饮完咁浓味既龙虾汤系时候食个雪葩清下个味蕾，酸酸甜甜既雪葩，仲有青苹果粒系入面，好食到想食多杯。西斑牙黑毛猪主菜拣左7成熟既西斑牙黑毛猪，浅粉红既黑毛猪煮得岩岩好，口感嫩滑，肉味浓郁，只系点海盐已经带出鲜味。芝士蛋糕最后甜品系芝士蛋糕，味道唔会太甜，细细件岩岩好。环境优美又浪漫，食物质数高，带女友一齐品尝一定唔会黑你面。