INN - I’m Not Nothing (已結業)

因为之前太忙，连周年饭都要改迟先食，所以拣餐厅方面都唔可以拣得太随便。时间系星期六夜晚，虽然地点唔算太就脚，不过都有唔少情侣入黎帮衬，可能灯光较暗，望落几浪漫。餐汤就蘑菇汤，淡淡地仲有唔少蘑菇碎粒咬下。拣左香草牛油白菌腌法国田螺做前菜。虽然只系前菜但佢摆碟算几有心机。除左主角田螺同薯蓉底之外，伴碟的菜都起码成四五款，几鲜艳夺目，少少可惜就系田螺味道偏咸。主菜之一就系芝士烤春鸡配松子仁白松酱意大利饭。春鸡有半只，鸡肉有少少「鞋」，但烤出黎又唔会好㶶，而且味道夹到个意大利饭，饭粒同汁比例几fit，咬落唔会太湿或太干，系饭的份量可能少了点。另外一个主菜就系香蒜鲍鱼伴澳洲肉眼扒8安士配红酒烧汁。扒就唔算多筋，咬落肉味好重，火候做到五成熟，伴个鲍鱼仔就有点新意，夹蒜蓉味道完全OK。同另外两碟一样都有唔同颜色的配菜呢几碟都系物有所值，大家都食得满足。