Noc Noc

营业中

休息中

每日收工都会同同事喺附近揾啲嘢食,近排经常都会帮衬呢间餐厅酒吧,因为收工可以饮少少酒食啲嘢放松下。Noc Noc 扒房酒吧,地址喺大埔旧墟直街28号荣丽苑地下b号舖,餐厅装修得好有格调,好适合朋友倾计食嘢放松下。炸鱼手指,鱼手指炸到金黄色,热辣辣食落去卜卜脆,外面有香口又惹味入面嘅鱼肉仲系好嫩滑好多汁,配埋佢嘅酱料一齐食无论味道同口感都做得好出色。西班牙海鲜焗饭 138元,材料真系好丰富,有青口,大虾,鱿鱼,蚬肉,其他配菜,配埋柠檬汁令到个鲜味更加突出,焗饭份量好多,入口食到阵阵嘅鲜味,青口亦都好新鲜好爽口,整个焗饭都吸收咗海鲜嘅鲜甜味道,钟意食焗饭嘅朋友一定要试下。黑松露杂菌芦笋烩饭,一上枱已经闻到好香嘅味道,餐厅好细心将杂菌同芦笋切粒,完全同饭融入埋一齐,黑松露嘅香味将其他味道更突出,令到味道同口感都提升一个层次。烧猪肋骨配薯条 198元,猪肋骨烧到啱啱好,外面嘅酱汁仲系好juicy,食落去畀其他嘅猪肉更加嫩滑更加香口,最正就系烧度边位有啲炭香味,呢个简直系必食嘅推介,薯条亦都炸到金黄色用嚟配酒真系一流。喺度食嘢当然要点番杯酒精饮品放松下。