Poseidon Restaurant & Bar (已結業)

趁今日放假，同另一半出去尖沙咀食饭，朋友介绍我去咗一间好浪漫嘅西餐厅，环境气氛都好好，好值得推介一下。Poseidon Restaurant & Bar. 餐厅位于尖沙咀亚士厘道嘅楼上舖头，座位空间感非常足够，喺度无论饮酒定系食饭感觉到好舒适。龙虾扁意粉，配香草龙虾汁。大大只龙虾喺意粉上面，相当吸引，一疏疏嘅龙虾肉入口味道鲜甜,肉质爽口弹牙。最钟意就系龙虾肉上面嘅香料调味，带出龙虾嘅鲜味。下面嘅意粉配埋香草，龙虾汁，龙虾嘅鲜味，整体配搭埋一齐，口感同味道都非常有层次。德国猪手配薯蓉，芥末。猪手皮烤到焦香酥脆，食落去卜卜声，入边嘅猪肉非常嫩腍，进食时蘸芥未酱，可以食到猪手有少少咸香同酱汁嘅香味，两者混为一体增添味道层次。旁边嘅薯蓉可以减低猪手嘅油腻感，令到你特别开胃，猪手都食多几啖。虎虾海鲜意大利饭，虎虾煎到好香，肉质鲜嫩弹牙，配上意大利饭味道好夹，意大利粉亦都煮到啱啱好，唔会过硬或太林。烟烟韧韧口感一流。