Chef's Stage Kitchen (西菁街)

营业中

休息中

今日星期六男朋友带我去元朗行街食饭， 睇完戏佢book咗间西餐厅，气氛同食物质素都好好。Chef's Stage Kitchen，地址喺元朗西菁街23号富达广场地下。餐厅地方阔落环境整洁，灯光偏暗 ，好有格调，整体气氛浪漫。西式餐包有三款，面包好松脆，配埋面包酱酸酸甜甜，食完特别清新开胃。法边豆，芦笋及风干蕃茄罗勒青酱长通粉一个好独特嘅意式风味，味道清新口感独特。每一条长通粉高吸收咗罗勒青酱嘅香味，加上芦笋同干蕃茄增添口感同埋味道嘅层次，颜色翠绿食落去又好好味，色香味俱全。法式烧春鸡 伴南瓜蓉.烧花椰菜苗.烧蕃茄，烧椰菜花烧春鸡卖相劲吸引，鸡皮烧到金黄色脆卜卜，入口鸡肉嫩滑juicy，火喉控制得啱啱好将鸡嘅肉汁完全锁住，食落去特别香口惹味，配埋餐厅嘅酱汁同埋蔬菜，可以解油腻感，又增添口感同味道。最后一杯香浓cappuccino作为结尾，真系好满足。