影片
更多
2013-01-01
470 浏览
9月4日, 去完360, 夜晚出番跑马地, 食我地嘅周年晚餐, 要数又浪漫又有情调, 加上食物又有水准, Amigo最适合不过~ 我地book咗8点钟, 但系我地早到咗而我地张台又未ready, 侍应于是安排我地喺地下嘅酒吧区等住先, 原来下面d位都几舒服架㖞! 等咗一阵就有位~ 我地各叫咗一个3 course $690同4 course $790嘅dinner set~::: 面包 :::有侍应会拎住个面包篮埋嚟俾你拣面包, 都有4-5款唔同嘅, 每一款我地都有要~ 面包微暖软熟, 食落好香面粉味, 尤其有个多士好特别, 十分香脆~ 亦都要提埋个牛油, 好有心机咁整成玫瑰花状, 为呢个环境更增添一个浪漫感之余, 牛油味亦够香浓~ 面包系可以任添, 喺食主菜之前, 侍应都唔会收面包碟, 我地都添咗2次~::: 香煎法国鲜鹅肝 :::先来一个头盘煎鹅肝, 份量都几大, 好厚身~ 切一刀, 感觉到个皮系脆嘅, 切到中心位就开始软仲有油流出来, 好肥美咁~ 鹅油实在太香, 一口咬落个感觉好丰富, 外脆内软嘅鹅肝配上香浓嘅酱汁, 非常饱满~ 虽然知道呢旧系脂肪, 但少食多滋味, 耐唔中食下又好
::: 面包 :::
有侍应会拎住个面包篮埋嚟俾你拣面包, 都有4-5款唔同嘅, 每一款我地都有要~ 面包微暖软熟, 食落好香面粉味, 尤其有个多士好特别, 十分香脆~ 亦都要提埋个牛油, 好有心机咁整成玫瑰花状, 为呢个环境更增添一个浪漫感之余, 牛油味亦够香浓~ 面包系可以任添, 喺食主菜之前, 侍应都唔会收面包碟, 我地都添咗2次~
::: 香煎法国鲜鹅肝 :::
先来一个头盘煎鹅肝, 份量都几大, 好厚身~ 切一刀, 感觉到个皮系脆嘅, 切到中心位就开始软仲有油流出来, 好肥美咁~ 鹅油实在太香, 一口咬落个感觉好丰富, 外脆内软嘅鹅肝配上香浓嘅酱汁, 非常饱满~ 虽然知道呢旧系脂肪, 但少食多滋味, 耐唔中食下又好过瘾~
::: 海虾沙律 :::
另外一个头盘我地叫咗个沙律平衡番~ 海虾好鲜, 够弹牙, 可惜份量好少, 只有2小只开边… 沙律就系鲜果沙律, 生果都新鲜~ 不过整体都只系普普通通, 唔太惊喜,
::: 美国鲜蚬肉周打汤 :::
可能早几日饮过一个好难饮嘅周打蚬汤, 所以我地今晚对呢个汤有高度评价~ 只蚬肉十分大只, 鲜味就无乜, 但系胜在肉厚, 咬口唔错, 弹牙得嚟又唔会韧~ 周打汤都几杰下, 有阵浓香嘅忌廉味, 亦都因为有蚬肉, 更加添一份鲜甜味~
::: 西柚雪芭 :::
饮完个汤, 侍应随即附上一杯冻冰冰, 粉红色嘅野, 个铁杯直头有冰喺面, 一直冰镇住~ 一食原来系西柚味雪芭, 份量唔多, 2 啖就食晒, 酸酸甜甜够晒凉透心. 究竟系帮我地开下胃, 定系见食完d咁浓味嘅野清清𠮶喉咙? 唔知系点, 但系肯定嘅系为咗主菜做准备, 我地准备好喇!
::: 扒特选羊排配薄荷汁 :::
羊扒有3件, 每一件都有网烧嘅痕迹, 望落少少㶶又好香口咁~ 羊扒肥瘦均匀, 肉地少少膻好带出羊嘅肉味, 靠近骨𠮶度有少少筋更加有咬口~ 薄荷汁味唔重, 最重要都系要嚟僻走d膻味, 但系反而咁样先更加食得出个羊味, 个人觉得个蒜头反而仲好味, 蒜香味十足, 软淋淋嘅质感好配羊扒~ 另外有配菜包括薯仔同椰菜仔, 睇嚟都系用嚟填饱个肚, 唔算特别.
::: 扒牛柳配带子百里香草汁 :::
带子唔算好厚, 就咁薄薄一片放喺牛柳之上. 两款肉都有炭烧嘅坑纹, 带子因为较薄身, 所以口感就麻麻… 但系带子鲜味都唔错, 仲吸收咗牛柳嘅牛油香~ 牛柳就够厚, 切开见到嫩嫩嘅粉红色牛肉, 入口嫩滑肉味浓郁, 好味! D配菜另外奉碟, 烤番茄酸香清新, 可以中和肉类嘅滞腻感~ 而薯茸就好有心思咁整成一个啤梨形~ 反而椰菜仔就真系白烚, 淡茂茂…
::: 朱古力脆糖炖蛋 :::
朱古力炖蛋确实系漏上加漏, 估唔到食到饱饱地, 呢个甜品会食唔晒… 个炖蛋质地好实, 似系雪得过耐, 朱古力味有, 但系蛋味欠奉, 加埋面个脆糖, 甜上加甜…
::: 橙酒疏芙厘 :::
疏芙厘卖相十分松软, 侍应奉上疏芙厘之后会再帮你淋上橙酒~ 疏芙厘本身蛋味丰富, 质感轻柔软滑, 加埋充满清新橙香嘅橙酒味道更有层次更丰富~ 不愧为呢度其中一道招牌甜品!
::: 脆皮朱古力咖啡雪糕球 :::
食完甜品, 以为都完架啦, 点知侍应再奉上雪糕球, 个碟又系冰晒… 好彩呢个朱古力冇咁漏, 超级冰冻嘅感觉. 朱古力皮好脆, 个咖啡雪糕都几好食, 食晒!
::: 拿破伦 :::
呢个拿破伦系为咗我地嘅周年纪念餐厅送俾我地, 不过我地太饱喇, 唯有攞番屋企… 隔过夜先食, 可能雪过, 拿破伦酥皮唔系好脆, 但系仲好香口, 相信如果可以即场食会更好.
::: 餐饮 :::
我地餐饮各叫咗一杯cappuccino同latte~ cappuccino嘅啡味都算浓, 奶嘅程度唔系好重, 适中~ 唔驶落糖个啡味都唔会好苦涩~ latte就奶啡比例平均, 奶味颇浓, 但又唔会盖过咖啡味, 好饮!
Amigo不愧为一个浪漫庆祝嘅地方, 虽然价钱唔算平不过胜在食物有水准! 而且份量多, 一个4 course set食得非常饱, 加上仲有拿破伦送~ 侍应服务有质素, 会慢慢跟随客人进食速度上菜, 食足4个钟都好舒服~ 其间仲有live band周围献唱, 知道我地庆祝纪念日仲唱咗首浪漫情歌~ 唯一要弹嘅系环境略嫌嘈杂, 拣个比较角落嘅位会好d. 多谢Amigo为我地结婚一周年划上完美嘅句号!~
张贴
