Diletto (已結業)

男友刚刚升职，就俾左个借口我地去个浪漫地方食晚餐😂一入到餐厅，播放住好柔和既背景音乐，又有好多花花草草既摆设，配埋好高身既玻璃外墙，令到成个人都放松左😚点完野食隔左一阵，店员就俾左个餐包我地😀餐包微暖，外面脆里面软熟，点左啲橄榄油同黑醋， 渗落去之后黑醋可以平衡返橄榄油嘅少少油腻，令到个包冇咁干身不但只，味道仲特别左同丰富左👍😀我地叫左一个lobster tail risotto同alaska crab with tagliolini～龙虾意大利饭嘅饭粒粒分明， 软硬度啱啱好👍 以前食过偏硬嘅意大利饭我唔太钟意，而且感觉好难消化咁🙈 龙虾嘅肉好爽，食得出系好新鲜，个汁咸度适中，啲瓜入晒味，呢个意大利饭整得好出色😳👏而个蟹肉tagliolini里面既长脚蟹煎到表层好香， 同平时食开嘅冷盘唔同感觉， 第一次食熟既长脚蟹，原来煎咗都可以食得咁重鲜味咁好食😮 另外蒜片提升咗个香味，个面虽然用橄榄油煮，但完全唔会油腻， 厨师控制啲调味料份量控制得好好😋呢间餐厅有环境，有质素，有服务， 难怪一路见到好多人都book枱嚟食😁 真心唔错！