十兄弟車仔麵 (已結業)

今日做完运动 朋友仔话想食车仔面 咁就去咗附近一间叫十兄弟车仔面试吓我哋各自叫咗一个自选车仔面 一个招牌八宝面加可乐先唔讲食物质素好唔好 大家可以睇吓图片呢一嚿系乜嘢原来呢度就系招牌八宝面其中一个𩠌牛坑腩 哗哗哗 真系唔讲唔知 呢个𩠌仲系皇牌必食推介 差啲以为厨房俾咗嚿煲汤瘦肉我 定系知我最近减肥所以要食清淡啲？好老实屋企人煲汤落个嚿肉都好过你讲返碗八宝面 鱼蛋都系一个亮点 陈皮味好淡 鱼蛋实的的 猪皮好细块 汤底唔够热 唯一合格系白萝卜 食落几清甜 但肉眼睇仲有渣另外我个自选面 鸡肾偏硬 猪软骨细嚿同散 咖哩牛栢叶够入味 卤水汁汤底同米粉好夹香港餐厅成日话租金贵 成本高 又话香港人钟意北上消费同旅游 埋怨之前 谂吓你嘅食物能唔能够留得住班客 食完会唔会再返黎食 而唔系求其喂饱个客就可以得过且过